قازاقستان تاريحىنا قاتىستى تىڭ دەرەكتەر تابىلدى
03:22, 24 - مامىر 2015
استانا. قازاقپارات - ەۋروپا ەلدەرى مەن قازاق حاندىعى اراسىندا ساۋدا-ەكونوميكالىق بايلانىس XV عاسىردا ورناعان ەكەن.
بۇل تۋرالى استانادا وتكەن عىلىمي تاجىريبەلىك كونفەرەنتسيا بارىسىندا بەلگىلى بولدى.
ەكى كۇنگە سوزىلعان شارادا قازاق حاندىعىنىڭ قۇرىلۋ تاريحى، گەنەزيس جانە حالىقارالىق قارىم-قاتىناس ماسەلەلەرىنە باسىمدىق بەرىلدى.
امەريكا، يتاليا، رەسەي، وزبەكستان مەن قىرعىزستان سياقتى 10 ەلدەن كەلگەن ماماندار جاڭالىعىن جاريالاپ، ءوزارا پىكىر الماستى. بۇگىن تاريحشى-عالىمدار ورتالىق كوممۋنيكاتسيالار قىزمەتىنە كەلىپ، شارانى قورىتىندىلادى.
www.24.kz