ق ر ۇكىمەت باسشىسى قازاقستاندا ينۆەستيتسيالار نە ءۇشىن باسىمدىقتى سيپاتقا يە ەكەنىن ءتۇسىندىردى
«قازاقستاندا ينۆەستيتسيالار نە ءۇشىن باسىمدىقتى سيپاتقا يە ەكەنىن ەسكە سالىپ وتكىم كەلەدى. قازاقستان بيزنەس ءۇشىن اشىق جانە بيزنەستى جۇرگىزۋ ءۇشىن ورتالىق ازيادا ءبىزدىڭ ەل ەڭ ۇزدىك. تاۋەلسىزدىك جىلدارىندا ءبىز دامۋدىڭ قۋاتتى تۇعىرناماسىن قۇردىق. سوڭعى ونجىلدىقتا قازاقستاننىڭ ەكونوميكالىق ءوسىمى ەكى ەسەلەندى»، - دەدى ۇكىمەت باسشىسى.
وسى ورايدا ك. ءماسىموۆ بۇگىندە قازاقستان ەكونوميكاسى زەردەلەنگەن ينۆەستيتسيالىق ساياساتتىڭ ارقاسىندا ءارتاراپتاندىرىلا تۇسكەنىن اتاپ ءوتتى.
«ءبىز ورتالىق ازياعا ميللياردتاعان دوللاردى تارتۋدامىز. ورتالىق ازياداعى بارشا شەتەلدىك ينۆەستيتسيانىڭ تورتتەن ءۇش بولىگىن قازاقستان تارتىپ جاتىر. سونىمەن قاتار ينۆەستيتسيالىق ءۇردىس قارقىن الىپ كەلەدى. ناتيجەسىندە، ءبىزدىڭ باسەكەلەستىك ارتىپ، ەكونوميكامىزدىڭ وڭتايلىلىعى ناتيجەلى بولۋدا»، - دەدى پرەمەر- مينيستر.
اۆتور: رۋسلان عابباسوۆ