ا. اتامبايەۆ قىرعىزستاننىڭ ە ا ە و- قا كىرۋى تۋرالى زاڭعا قول قويدى

بىشكەك. قازاقپارات - قىرعىز رەسپۋبليكاسىنىڭ پرەزيدەنتى المازبەك اتامبايەۆ بۇگىن پارلامەنت قابىلداعان قىرعىزستاننىڭ 2014-جىلعى 29- مامىرداعى ەۋرازيالىق ەكونوميكالىق وداق تۋرالى شارتىنا قوسىلۋى جونىندەگى حالىقارالىق شارتتاردى راتيفيكاتسيالاۋ تۋرالى زاڭىنا قول قويدى.

ءراسىم جوگوروكۋ كەنەشى سپيكەرى، ق ر پرەمەر-ءمينيسترى، ۇكىمەت مۇشەلەرى، قىرعىزدىق-رەسەيلىك دامۋ قورىنىڭ باسشىلارى، جوعارعى سوت ءتوراعاسى، قىرعىزستانداعى ءبىرقاتار شەتەل مەملەكەتتەرىنىڭ ەلشىلەرىنىڭ قاتىسۋىمەن ءوتتى.

قول قويىلعان زاڭ مىناداي قۇجاتتاردى راتيفيكاتسيالايدى:

- قىرعىزستاننىڭ 2014-جىلعى 29- مامىرداعى ە ا ە و تۋرالى شارتقا قوسىلۋى تۋرالى شارتىن؛

- 2014-جىلعى 29- مامىرداعى ە ا ە و تۋرالى شارتقا وزگەرىستەر مەن تولىقتىرۋلار ەنگىزۋ تۋرالى حاتتامانى؛

- 2014-جىلعى 29- مامىرداعى قىرعىزىستاننىڭ ە ا ە و تۋرالى شارتتى قولدانۋ جاعدايلارى مەن وتپەلى ەرەجەلەرى، ە ا ە و تۋرالى شارتقا كىرەتىن جەكەلەگەن حالىقارالىق شارتتار، ە ا ە و ورگاندارىنىڭ اكتىلەرى تۋرالى حاتتامانى؛

- ارمەنيانىڭ 2014-جىلعى 29- مامىرداعى ە ا ە و تۋرالى شارتقا قوسىلۋى تۋرالى شارتقا حاتتامانى.

«بۇگىن ءبىز ءۇشىن ەرەكشە كۇن. سەبەبى، الەمدەگى ءىرى وداقتاردىڭ بىرىنە كىرۋ بويىنشا مەملەكەتىشىلىك راسىمدەردى اياقتاپ وتىرمىز. قوسىلۋ تۋرالى ستراتەگيالىق شەشىم 2011-جىلعى ساۋىردە قابىلدانعان. وسى جىلدارى ساۋاتتى جۇمىستار جۇرگىزىلىپ، مىڭداعان قۇجاتتار كەلىسىلىپ، قابىلداندى. پارلامەنت پەن ۇكىمەتكە اتقارعان جۇمىستارى ءۇشىن العىسىمدى بىلدىرەمىن»، - دەدى ا. اتامبايەۆ.

جوعارىدا كورسەتىلگەن زاڭ مەن بارلىق قۇجاتتاردى كەشە، 20- مامىردا جوگوروكۋ كەنەشى قابىلداعانىن اتاپ وتكەن ءجون.