قىتاي رەسەيمەن وداقتاس ەمەس
بۇل تۋرالى «جەنمين جيباو» قىتاي باسىلىمى جازادى دەپ حابارلايدى «112» ۋكراين تەلەارناسى.
قىتايدىڭ سىرتقى ىستەر مينيسترلىگى تاراتقان مالىمەتتە «قازىرگى سىرتقى ساياسي احۋالمەن ساناسا وتىرىپ، رەسەيلىك جانە قىتاي بيلىگى باتىسقا قارسىلىق تانىتۋدى كوزدەمەيدى» دەلىنەدى. سونداي-اق ق ح ر س ءى م ەكى ەلدىڭ ەكونوميكالىق ىنتىماقتاستىعىندا تەپە-تەڭدىك جوقتىعىن دا باسا ايتادى. بۇل رەتتە ەكى ەل اراسىنداعى ءوزارا ينۆەستيتسيالار دەڭگەيىنىڭ تومەندىگى، ءىرى جوبالارداعى ىنتىماقتاستىقتاعى تەپە-تەڭسىزدىك، ال كەلىسىلگەن كەيبىر جوبالار تەك قاعاز جۇزىندە عانا سيپات الىپ وتىرعاندىعى اتالادى.
الدىندا الەم ەلدەرىنىڭ كوشباسشىلارى شاقىرىلعان ماسكەۋدەگى جەڭىس كۇنىن تويلاۋ شاراسىنا قاتىسقان شەتەلدىك باسشىلاردىڭ بىردەن-ءبىرى ق ح ر ءتوراعاسى بولعان ەدى. وسى وقيعادان سوڭ كوپتەگەن ب ا ق بەتتەرىندە رەسەي مەن قىتايدىڭ وداقتاستىعى، ولاردىڭ ايماقتاعى الەمدىك تەرىس قۇبىلىستارعا بىرىگىپ قارسى تۇرۋى سىندى دولبارلار ايتىلا باستاعان بولاتىن. الايدا بۇگىندەرى ق ح ر س ءى م تاراتىپ وتىرعان بۇل مالىمەت مۇنى جوققا شىعاراتىن سىڭايلى.