قازاقستان حالقى ەلىمىزدەگى ءدىني احۋالدى تۇراقتى دەپ سانايدى - عالىم شويكين
بۇل تۋرالى بۇگىن ورتالىق كوممۋنيكاتسيالار قىزمەتىندەگى باسپا ءسوز ءماسليحاتىندا ق ر مادەنيەت جانە سپورت مينيسترلىگى ءدىن ىستەرى كوميتەتىنىڭ ءتوراعاسى عالىم شويكين ءمالىم ەتتى.
«ەلىمىزدەگى ءدىني احۋالعا توقتالاتىن بولساق، بۇل جاعداي بىزدە تۇراقتى. مەملەكەت پەن كونفەسسيالار اراسىنداعى، سونداي-اق كونفەسسيالار اراسىنداعى ءوزارا قاتىناستار سىندارلى مانگە يە. بۇگىندە حالقىمىزدىڭ باسىم بولىگى ءدىني جاعدايدى تۇراقتى دەپ باعالاۋدا جانە وسى سالادا مەملەكەتتىڭ ساياساتىن قولدايدى»، - دەدى ول.
وسى ورايدا ول ەلىمىزدەگى ءتۇرلى دىندەر مەن كونفەسسيالار وكىلدەرى اراسىندا ءتيىمدى ءوزارا ءىس-قيمىل مەن بەيبىت قاتار ءومىر سۇرۋگە قولايلى جاعداي قالىپتاسقانىن اتاپ ءوتتى.
«بۇل ءوز كەزەگىندە قازاقستاندا ءدىني جاعدايدىڭ تۇراقتىلىعىنا ىقپال ەتۋدە»، - دەپ ءتۇيدى شويكين.
اۆتور: رۋسلان عابباسوۆ