ق ر قارجى مينيسترلىگىنىڭ بۇيرىعى جەكە تۇلعالاردىڭ تاۋارلارىن وتكىزۋىمەن بايلانىستى تۋىندايتىن قۇقىقتىق قاتىناستى رەتتەيدى
بۇيرىعىنىڭ جەكەلەگەن ەرەجەلەرىن دۇرىس ەمەس ءتۇسىندىرۋ ماتەريالدارىنىڭ شىعۋىنا بايلانىستى قازاقستان رەسپۋبليكاسى قارجى مينيسترلىگى مەملەكەتتىك كىرىستەر كوميتەتى مىناداي تۇسىندىرمە بەرۋدى قاجەت دەپ سانايدى:
بەلگىلى بولعانداي، 2015 - جىلعى 2 - مامىردا قازاقستان رەسپۋبليكاسى قارجى ءمينيسترىنىڭ 2015 - جىلعى 31 - ناۋىزداعى «كەدەن وداعىنىڭ كەدەندىك شەكاراسى ارقىلى جەكە تۇلعالار وتكىزەتىن تاۋارلاردى جەكە پايدالانۋعا ارنالعان تاۋارلارعا جاتقىزۋدىڭ كريتەريلەرىن بەكىتۋ تۋرالى» بۇيرىعى كۇشىنە ەندى.
اتالعان بۇيرىق الىپ جۇرەتىن جانە الىپ جۇرمەيتىن باگاجدا كەدەن وداعىنىڭ كەدەندىك شەكاراسى ارقىلى جەكە تۇلعالاردىڭ جەكە پايدالانۋعا ارنالعان تاۋارلاردى وتكىزۋىمەن بايلانىستى عانا تۋىندايتىن قۇقىقتىق قاتىناستى رەتتەيدى.
اتالعان بۇيرىقتىڭ نورمالارى تاسىمالداۋشى جەكە تۇلعانىڭ مەكەن جايىنا جەتكىزەتىن جەكە پايدالانۋعا ارنالعان تاۋارلارعا جانە زاڭنامالىق نورمالارعا سايكەس كەدەن وداعىنىڭ كەدەندىك اۋماعىنا حالىقارالىق پوچتا جونەلتىمدەرىندە جىبەرىلەتىن جەكە پايدالانۋعا ارنالعان تاۋارلارعا قاتىستى قولدانىلمايدى.
2010 - جىلى 18 - ماۋسىمدا سانكت- پەتەربۋرگ قالاسىندا كەدەن وداعى بويىنشا ارىپتەستەرىمەن كەدەن وداعىنىڭ كەدەندىك شەكاراسى ارقىلى جەكە تۇلعالاردىڭ جەكە پايدالانۋعا ارنالعان تاۋارلاردى وتكىزۋ جانە ولاردى شىعارۋعا بايلانىستى كەدەندىك وپەراتسيالاردى جاساۋ ءتارتىبى تۋرالى كەلىسىمگە قول قويىلدى.
وسى كەلىسىمگە سايكەس كەدەندىك تولەمدەردى تولەۋدەن بوساتىلا وتىرىپ، كەدەندىك شەكارا ارقىلى وتكىزىلەتىن جەكە پايدالانۋعا ارنالعان تاۋارلار ءۇشىن مىناداي كريتەرييلەر بەلگىلەنگەن:
الىپ جۇرەتىن جانە الىپ جۇرمەيتىن باگاجدا كەدەن وداعىنىڭ كەدەندىك اۋماعىنا اكەلىنەتىن كولىك قۇرالدارىن قوسپاعاندا، جەكە پايدالانۋعا ارنالعان تاۋارلار.
اۋە كولىگىمەن:
كەدەندىك قۇنى 10000 ەۆروعا بارابار سومادان اسپايتىن جانە جالپى سالماعى 50 كيلوگرامنان اسپايتىن تاۋارلار.
كولىكتىڭ وزگە تۇرلەرى:
كەدەندىك قۇنى 1500 ەۆروعا بارابار سومادان اسپايتىن جانە جالپى سالماعى 50 كيلوگرامنان اسپايتىن تاۋارلار.
كولىك قۇرالدارىن قوسپاعاندا، تاسىمالداۋشى ءبىر الۋشىنىڭ اتىنا كۇنتىزبەلىك ءبىر اي ىشىندە اكەلەتىن، جەكە تۇلعانىڭ مەكەن جايىنا جەتكىزەتىن جەكە پايدالانۋعا ارنالعان تاۋارلار.
كەدەندىك قۇنى 1000 ەۆروعا بارابار سومادان اسپايتىن جانە سالماعى 31 كيلوگرامنان اسپايتىن تاۋارلار.
كەدەن وداعىنىڭ كەدەندىك اۋماعىندا جەكە تۇلعا بولىپ تابىلاتىن ءبىر الۋشىنىڭ اتىنا كۇنتىزبەلىك ءبىر اي ىشىندە جىبەرىلەتىن (بولىنبەيتىن تاۋارلاردى قوسپاعاندا) ، جەكە پايدالانۋعا ارنالعان تاۋارلار.
كەدەندىك قۇنى 1000 ەۆرو بارابار سومادان اسپايتىن جانە سالماعى 31 كيلوگرامنان اسپايتىن تاۋارلار.
(سالماقتىق جانە قۇندىق نورمالار بويىنشا كەستە شارتتى جالپىلانعان تۇردە كەلتىرىلگەن)
سونىمەن بىرگە، كورسەتىلگەن كەلىسىمنىڭ 3-قوسىمشاسىندا جەكە پايدالانۋعا ارنالعان تاۋاردى ساندىق كريتەرييگە جاتقىزۋ بەكىتىلمەگان، اتالعان كريتەريلەر ۇلتتىق زاڭنامادا ايقىندالعان.
ماسەلەن، «قازاقستان رەسپۋبليكاسىنىڭ كەيبىر زاڭنامالىق اكتىلەرىنە قازاقستان رەسپۋبليكاسىندا كاسىپكەرلىك قىزمەت ءۇشىن جاعدايدى تۇبەگەيلى جاقسارتۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» قازاقستان رەسپۋبليكاسىنىڭ زاڭى 2014 -جىلعى 29 - جەلتوقسانداعى № 269-V زاڭىمەن «قازاقستان رەسپۋبليكاسىنداعى كەدەن ءىسى تۋرالى» قازاقستان رەسپۋبليكاسىنىڭ 2010 -جىلعى 30 - ماۋسىمداعى كودەكسىنىڭ 464-بابىنىڭ 3-تارماعىنا مىناداي مازمۇندا تولىقتىرۋلار ەنگىزىلدى:
«كەدەن وداعىنا مۇشە مەملەكەتتەردىڭ حالىقارالىق شارتىندا رەتتەلمەگەن بولىگىندە جەكە تۇلعالار كەدەن وداعىنىڭ كەدەندىك شەكاراسى ارقىلى وتكىزەتىن تاۋارلاردى جەكە پايدالانۋعا ارنالعان تاۋارلارعا جاتقىزۋ كريتەريلەرىن كەدەن ءىسى سالاسىنداعى ۋاكىلەتتى ورگان تاۋارلاردىڭ سيپاتى مەن سانىن، جەكە تۇلعانىڭ كەدەن وداعىنىڭ كەدەندىك شەكاراسىن كەسىپ ءوتۋ جانە (نەمەسە) ونىڭ وسى شەكارا ارقىلى تاۋارلاردى وتكىزۋ جيىلىگىن نەگىزگە الا وتىرىپ ايقىندايدى. » .
تيىسىنشە، 2015 -جىلعى 2 - مامىرىندا «كەدەن وداعىنىڭ كەدەندىك شەكاراسى ارقىلى جەكە تۇلعالار وتكىزەتىن تاۋارلاردى جەكە پايدالانۋعا ارنالعان تاۋارلارعا جاتقىزۋدىڭ كريتەريلەرىن بەكىتۋ تۋرالى» قازاقستان رەسپۋبليكاسى قارجى ءمينيسترىنىڭ 2015 -جىلعى 31 - ناۋرىزداعى № 250 بۇيرىعى (بۇدان ءارى - بۇيرىق) كۇشىنە ەندى، نورماتيتۆتىك- قۇقىقتىق اكتىلەر مەملەكەتتىك تىركەۋ تىزبەسىندە 2015 -جىلعى 16 - ساۋىردە № 10738 بولىپ تىركەلگەن.
بۇيرىق الىپ جۇرەتىن جانە الىپ جۇرمەيتىن باگاجدا كەدەن وداعىنىڭ كەدەندىك شەكاراسى ارقىلى جەكە تۇلعالارمەن تاۋارلاردى جەكە پايدالانۋ ءۇشىن وتكىزۋگە بايلانىستى تۋىندايتىن قۇقىقتىق قاتىناستى رەتتەيدى.
الىپ جۇرمەيتىن باگاج - جەكە تۇلعانىڭ كەدەن وداعىنىڭ كەدەندىك اۋماعىنا كىرۋىمەن نەمەسە ونىڭ كەدەن وداعىنىڭ كەدەندىك اۋماعىنان كەتۋىمەن بايلانىستى كەدەن وداعىنىڭ كەدەندىك شەكاراسى ارقىلى ءىس جۇزىندە وتكىزىلۋى ءۇشىن حالىقارالىق تاسىمالداۋ (كولىك ەكسپەديتسياسى) شارتى بويىنشا تاسىمالداۋشىعا بەرىلگەن نەمەسە بەرىلەتىن، جەكە تۇلعاعا تيەسىلى جەكە پايدالانۋعا ارنالعان تاۋارلار؛
· الىپ جۇرەتىن باگاج - قول جۇگىن قوسا العاندا، كەدەن وداعىنىڭ كەدەندىك شەكاراسىنان وتەتىن جەكە تۇلعا تىكەلەي وتكىزەتىن جەكە پايدالانۋعا ارنالعان تاۋارلار؛
جەكە پايدالانۋعا ارنالعان، تاسىمالداۋشى جەتكىزەتىن تاۋارلار - كەدەن وداعىنىڭ كەدەندىك شەكاراسى ارقىلى وتپەگەن جەكە تۇلعانىڭ اتىنا نە جەكە تۇلعادان كەدەن وداعىنىڭ كەدەندىك شەكاراسى ارقىلى ءىس جۇزىندە وتكىزۋ ءۇشىن حالىقارالىق تاسىمالداۋ شارتى بويىنشا (جۇك قۇجات، كونوسامەنت جانە وزگە دە قۇجاتتار بويىنشا) تاسىمالداۋشىعا بەرىلگەن نەمەسە بەرىلەتىن، جەكە پايدالانۋعا ارنالعان تاۋارلار؛
حالىقارالىق پوچتا جونەلتىمدەرى - كەدەن وداعىنىڭ كەدەندىك اۋماعىنىڭ شەگىنەن تىس جەرگە جونەلتۋ ءۇشىن قابىلدانعان، كەدەن وداعىنىڭ كەدەندىك اۋماعىنا كەلىپ تۇسەتىن نە وسى اۋماق ارقىلى ترانزيتپەن وتەتىن جانە دۇنيەجۇزىلىك پوچتا وداعىنىڭ اكتىلەرىندە كوزدەلگەن ىلەسپە قۇجاتتارى بار پوچتا جونەلتىمدەرى.
سونىمەن، بۇيرىق نورمالارى جەكە تۇلعانىڭ مەكەنجايىنا تاسىمالداۋشى جەتكىزەتىن جەكە پايدالانۋعا ارنالعان تاۋارلارعا جانە كەدەن وداعىنىڭ كەدەندىك شەكاراسىنا حالىقارالىق پوچتا جونەلتىمدەرىمەن جونەلتىلەتىن جەكە پايدالانۋعا ارنالعان تاۋارلارعا قاتىستى قولدانىلمايتىنىن قايتالاپ ايتامىز.
كەلىسىمنىڭ 3-بابىنا سايكەس جەكە تۇلعالار كەدەندىك شەكارا ارقىلى وتكىزەتىن تاۋارلاردى جەكە پايدالانۋعا ارنالعان تاۋارلارعا جاتقىزۋدى كەدەن ورگانى تاۋارلاردىڭ سيپاتى مەن سانىنا، جەكە تۇلعانىڭ كەدەندىك شەكارا ارقىلى ءوتۋ جانە (نەمەسە) ونىڭ تاۋارلاردى وتكىزۋ جيىلىگىن نەگىزگە الىپ، تاۋەكەلدەردى باسقارۋ جۇيەسىن قولدانا وتىرىپ جۇزەگە اسىراتىندىعىن ەسكەرۋ قاجەت.