كوكپەكتى اۋدانىنا جاڭا اكىم تاعايىندالدى

وسكەمەن. قازاقپارات - ش ق و اكىمى دانيال احمەتوۆتىڭ بۇيرىعىمەن كوكپەكتى اۋدانىنىڭ اكىمى بولىپ ساعىندىقوۆ راميل نىعمەتجان ۇلى تاعايىندالدى،

 دەپ حابارلادى اكىمنىڭ باسپا ءسوز قىزمەتىنەن.

جاڭا باسشىنى اۋدان اكتيۆىنە وبلىس اكىمىنىڭ ورىنباسارى جاقسىلىق ومار تانىستىردى.

1967 - جىلى سەمەي وبلىسى، كوكپەكتى اۋدانى، كوكپەكتى اۋىلىندا تۋعان. 1991 - جىلى سەمەي زووتەحنيكالىق- ۆەتەرينارلىق ينستيتۋتىن، 2014 - جىلى قازاق يننوۆاتسيالىق گۋمانيتارلىق- زاڭ ۋنيۆەرسيتەتىن اياقتاعان.

ەڭبەك جولىن كوكپەكتى اۋدانى ۇلكەن بوكەن اۋىلىنداعى «شەگەلەك» كەڭشارىنىڭ №3 فەرماسىنىڭ جۇمىسشىسى بولىپ باستاعان.

1991-1994 ج ج. «شەگەلەك» كەڭشارىنىڭ №3 فەرماسىنىڭ مال دارىگەرى، كەيىن مەڭگەرۋشىسى. 1995-1998 ج ج. «شەگەلەك» ا ق باس مال دارىگەرى. 1998-2000 ج ج. ديرەكتوردىڭ ورىنباسارى، ال 2000-2010 ج  ج. «شەگەلەك LTD» ج ش س ديرەكتورى.

2010-2011  ج ج. ۇلكەنبوكەن سەلولىق وكرۋگىنىڭ اكىمى.

2011 - جىلدىڭ تامىزىنان كوكپەكتى اۋدانى اكىمىنىڭ ورىنباسارى بولىپ تاعايىندالدى. سوڭعى 5 ايدا اۋدان اكىمىنىڭ مىندەتىن اتقارعان.