بارسا قارىنداسى الدىنان شىعىپ، جاقسىلاپ قوناق قىلعان ەكەن. سودان قارىنداسى:
- اعا، ەل جۇتاپ جاتسا، مىنا مالدان مال الىپ كەت، جىلقىدان جىلقى الىپ كەت، - دەپ ءبىر قورا مال بەرەدى. اعاسى مالدى اۋىلعا اكەلىپ، اركىمگە تاراتادى. جۇرت: «مۇنى قايدان الىپ كەلدىڭ؟» - دەپ سۇرايدى. سوندا اعاسى:
- قوڭىردىڭ بارعان جەرى جاقسى ەكەن، قىستان امان-ەسەن شىققان ەكەن، - دەيدى. ونى ەستىگەن جۇرتتىڭ ءبىز دە قۇدالارعا بارىپ كەلەيىك، ەڭ بولماسا ات ءمىنىپ كەلەيىك دەپ بارعاندارىنىڭ ەشبىرەۋى قۇر قول قايتپايدى.
سودان قوڭىر دەگەن قىزدىڭ بارعان جەرى باي بولعان سوڭ، وسى جەر «بايقوڭىر» اتالىپ كەتكەن ەكەن.