ءال-فارابي اتىنداعى قازاق ۇلتتىق ۋنيۆەرسيتەتىندە ن. نازاربايەۆ ۇسىنعان بەس ينستيتۋتسيونالدىق رەفورمالار تالقىلاندى
كەزدەسۋ بارىسىندا جوعارى وقۋ ورنىنىڭ باسشىلىعى مەن عالىمدارى ۇسىنىلعان رەفورمالاردىڭ وتە ماڭىزىن جانە تاريحي قاجەتتىلىگىن اتاپ ءوتتى. شاراعا قاتىسۋشىلار ولار قازاقستاندىق مەملەكەتتىلىكتى جانە حالىقارالىق قوعامداستىقتاعى قازاقستاننىڭ ءرولىن ارتتىرۋعا باعىتتالعانىن اتاپ كورسەتتى.
«مەملەكەت باسشىسى ۇسىنعان بەس ينستيتۋتسيونالدىق رەفورما - قازاقستاننىڭ ودان ءارى جاسامپازدىق دامۋى مەن گۇلدەنۋىنىڭ، بارلىق قوعامدىق كۇشتەردى الەمنىڭ باسەكەگە قابىلەتتى 30 ەلىنىڭ قاتارىنا كىرۋ جونىندەگى تاريحي ميسسيا اينالاسىنا توپتاستىرۋدىڭ جانە ونىڭ الەمدىك كەڭىستىكتە ورنىعۋىنىڭ نەگىزى. ەكونوميكانى وزگەرتۋ كوپ جاعدايدا وتاندىق ۋنيۆەرسيتەتتەرگە بايلانىستى، ولار ەلدىڭ يننوۆاتسيالىق جۇيەسىن قۇرۋدا بارعان سايىن زور ءرول اتقارۋى ءتيىس، جاڭا بىلىمدەر مەن يننوۆاتسيالاردىڭ ورتالىعى بولۋى قاجەت»، - دەپ اتاپ ءوتتى ءال-فارابي اتىنداعى قازاق ۇلتتىق ۋنيۆەرسيتەتىنىڭ رەكتورى عالىم مۇتانوۆ.
جيىندا ءسوز العاندار مەملەكەتتىك ورگانداردى ورتالىقسىزداندىرۋ جانە ناتيجەگە باعدارلانعان باسقارۋ پرينتسيپتەرى، زاڭ مەن دەموكراتيانىڭ ۇستەمدىگىنە، بىلىمگە نەگىزدەلگەن ەكونوميكانى دامىتۋ ماسەلەلەرى جونىندە كەلەلى وي قوزعادى. سونداي-اق مەملەكەتتىڭ، بيزنەس پەن ۋنيۆەرسيتەتتەردىڭ ىقپالداسۋى، ۇلتتىق بىرتەكتىلىك، ازاماتتىق ۇستانىم جانە پاتريوتيزم ماسەلەلەرى اڭگىمە وزەگىنە اينالدى.
«بۇل رەفورمالاردى جۇزەگە اسىرۋ ءۇشىن ولاردىڭ كەزەڭ-كەزەڭىمەن ورىندالۋى مودەلىن جاساۋ قاجەت. 100 قادام - «ماڭگىلىك ەل» جالپى ۇلتتىق يدەياسىنىڭ باستى قۇندىلىقتارىن اشاتىن، «ستراتەگيا-2050 ءدى» دامىتۋعا جانە ورىنداۋعا باعىت بەرەتىن ناعىز سارا جول. جوعارى بىلىكتى كادرلار دايارلاۋ قازاقستاننىڭ يندۋستريالىق-يننوۆاتسيالىق دامۋ باعارلاماسىنا سايكەس جۇزەگە اسىرىلۋى ءتيىس»، - دەپ اتاپ كورسەتتى پروفەسسور بولات مۇحامەديەۆ.
كەزدەسۋدە ءسوز سويلەگەن عالىمدار ق ر پرەزيدەنتى نۇرسۇلتان نازاربايەۆتىڭ وراسان زور يدەيالارىن تولىعىمەن قولداپ، رەفورمالاردى جۇرگىزۋ قاجەتتىگىنە تالداۋ جاسادى، ءبىلىم بەرۋدىڭ تيىمدىلىگى مەن ساپاسى، تەوريا مەن پراكتيكانى ىقپالداستىرۋ، عىلىم مەن ءوندىرىستىڭ بىرلىگىن كۇشەيتۋ، الەۋمەتتىك جانە مادەني ساياساتتى جاقسارتۋ ماسەلەلەرى بويىنشا ءوز ويلارىن ورتاعا سالدى. ولار پرەزيدەنتتىڭ نۇسقاعان سارا باعىتىن ءبىراۋىزدان قولداپ، كۇشتى جانە گۇلدەنگەن قازاقستان قۇرۋعا باعىتتالعان ماقساتتاردى ناقتى ومىرگە ەنگىزۋگە بارلىق كۇش-جىگەرلەرىن جۇمسايتىندىقتارىن ءبىلدىردى.