قازاقستاندىق ديپلوماتتار تاشكەنتتە مادەني داستۇرلەر مەن ۇلتتىق تاعامدار فەستيۆالىنە قاتىستى
10:16, 03 - مامىر 2015
تاشكەنت. قازاقپارات - وزبەكستان س ءى م قابىلداۋلار ۇيىندە وزبەكستاندا تىركەلگەن ديپلوماتيالىق وكىلدىكتەر اراسىندا ⅩⅢ مادەني داستۇرلەر جانە ۇلتتىق تاعامدار فەستيۆالى ءوتتى.
ءاربىر ەلشىلىك ءوز ەلىنىڭ ۇلتتىق تاعامدارىن، سونداي-اق ۇلتتىق-قولدانبالى ونەرى زاتتارىن ۇسىندى.
وزبەكستانداعى قازاقستان ەلشىلىگىنىڭ قىزمەتكەرلەرى وزبەكستان س ءى م مەن ەلشىلىكتەر وكىلدەرىن، شەتەلدىك قوناقتاردى ۇلتتىق ناقىشتا بەزەندىرىلگەن كيىمدەرمەن جانە ۇلتتىق تاعامدارىمەن جىلى شىرايمەن قارسى الدى.
فەستيۆالعا قاتىسۋشىلار مادەني شارانى كونسەرتتىك باعدارلامامەن كەستەلەپ، مەرەكە شىرايىن كەلتىردى.