ۇلت كوشباسشىسىنىڭ حالىقتىق رەفورمالارى - ەلىمىزدىڭ ودان ءارى دامۋىنىڭ باستى باعدارى
«ءسىزدىڭ ۇلىقتاۋ سالتاناتىندا سويلەگەن ءسوزىڭىز - ءبىزدىڭ ودان ءارى دامۋىمىزدىڭ باستى باعدارى. بۇگىندە قازاقستاندا ءسىزدىڭ ارقاڭىزدا بولاشاق ىلگەرىلەۋدىڭ بەرىك نەگىزى قالاندى»، - دەلىنگەن حابارلامادا.
كاسىپكەرلەر فورۋمى مەملەكەت باسشىسى باستاماشى بولعان حالىقتىق رەفورمالار ماڭىزدى باعدارلامالار مەن جوبالاردى ءتيىمدى ورىنداۋعا بارلىق جاعداي تۋعىزادى دەپ سانايدى.
«قازىردە ءبىز ەۋرازيالىق ەكونوميكالىق وداق جاعدايىندا ءومىر ءسۇرىپ، جۇمىس جاساۋدى باستادىق، ءبىزدىڭ ەكونوميكالىق ساياساتىمىزدى جاڭارتۋدىڭ ايرىقشا ماڭىزى زور. قازاقستان ەكونوميكاسىنىڭ جانە قازاقستاندىق ءوندىرۋشىنىڭ باسەكەگە قابىلەتتىلىگى بۇعان تىكەلەي بايلانىستى»، - دەپ اتاپ وتىلگەن قۇتتىقتاۋدا.
بۇل ورايدا مەملەكەت باسشىسى العا قويعان شاعىن جانە ورتا بيزنەستى ماقساتتى قولداۋ، تاريف ساياساتىن جاڭارتۋ، ەلدىڭ ەكسپورتتىق الەۋەتىن دامىتۋ مىندەتتەرى ءاربىر قازاقستاندىقتىڭ ءال-اۋقاتىنىڭ ارتا تۇسۋىنە دە وڭ ىقپال ەتپەك.
قازاقستان كاسىپكەرلەرى قىزمەت كورسەتۋ، اسىرەسە شاعىن جانە ورتاشا كاسىپورىنداردىڭ سەرۆيستىك سەكتورىن دامىتۋ سياقتى وزەكتى باعىتتاردى دامىتۋدىڭ ماڭىزىن اتاپ كورسەتەدى. بۇلار، سايىپ كەلگەندە، جاڭا جۇمىس ورىندارى، اسىرەسە، اۋىلدىق ايماقتار ءۇشىن جاڭا مۇمكىندىكتەر دەگەن ءسوز.
قازاقستان كاسىپكەرلەرى فورۋمى ۇلت كوشباسشىسى ۇسىنعان قازاقستاندىق قوعامدى جاڭارتۋ رەفورمالارى ءبىزدىڭ ەلىمىزدىڭ «قازاقستان-2050» ستراتەگياسى ۇزاق مەرزىمدى باعدارلاماسىن ويداعىداي ورىنداۋىنا جانە الەمنىڭ ەڭ دامىعان 30 ەلىنىڭ قاتارىنا كىرۋىنە مۇمكىندىك بەرەدى دەگەن سەنىمىن بىلدىرگەن.