سپورت مي جۇمىسىنا پايدالى

نۇر-سۇلتان. قازاقپارات- سپورتپەن تۇراقتى اينالىساتىندار مەن قيمىل- قوزعالىسى از ادامداردىڭ ءومىرىن زەرتتەگەن عالىمدار وسىنداي شەشىمگە كەلدى.

بۇل ادامنىڭ جۇيكە جۇيەسىنە وڭتايلى اسەر ەتەتىن اعزاداعى حيميالىق رەاكسيالارمەن بايلانىستى بولادى ەكەن. سپورتتىق جاتتىعۋلار اسەرىنەن جۇرەتىن رەاكسيالار جاڭا جاسۋشالاردىڭ وسۋىنە سەبەپ بولادى.

سپورتتى جانىنا سەرىك ەتكەن ادامداردىڭ كوڭىل- كۇيى جوعارى بولىپ، شارشاۋدىڭ نە ەكەندىگىن بىلمەيدى.

ا ق ش- تاعى قارتايۋ ينستيتۋتىنىڭ عالىمدارى وسى رەتتە جانۋارلاردى قاتىستىرىپ، تاجىريبەلەر وتكىزگەن. ونىڭ بارىسىندا تىشقانداردىڭ ءبىر توبى اينالىپ تۇرعان دوڭگەلەك ىشىندە جۇگىرسە، كەمىرگىشتەردىڭ ەكىنشى توبى تۇك قيمىلسىز بولعان. اقىرى ءبىرىنشى توپتىڭ الدىنا قويىلعان وزگە ماسەلەلەر تەز ورىندالىپ، ەش قوزعالماعان تىشقاندار مۇلدە ارتتا قالعان. سول سياقتى اعىلشىن عالىمدارى دا كەڭسە قىزمەتكەرلەرى اراسىندا ساۋالناما وتكىزىپتى. تۇسكى اس كەزىندە جۇمىس ورنىنداعى فيتنەسكە بارىپ، دەنەسىن شىنىقتىرىپ ۇلگىرگەن قىزمەتكەرلەر ءارى قارايعى جۇمىس كۇنىندە انىق ويلاپ، كوبىرەك ءىس تىندىرعاندارىن ايتقان.

www.24.kz