قازاق جىگىتى باۋىرجان جاڭابايەۆتىڭ اكە- شەشەسى بۇگىن رىبالكيندەر وتباسىنا كەلىپ، بولاشاق كەلىندەرىنىڭ قۇلاعىنا سىرعا سالىپ، قۇدالىق شارالارىن اتقاردى.
لەنانىڭ بويىندا ورىس، قىتاي، ۋكراين سياقتى بىرنەشە ۇلتتىڭ قانى بار. ءتولقۇجاتىندا ورىس دەپ كورسەتىلگەنىمەن، ول ءوزىن قازاقپىن دەپ ەسەپتەيدى. ال باۋىرجاننىڭ اكەسى - قازاق، اناسى - تاتار قىزى. قۇدالىق بارلىق قازاقى سالت- ءداستۇر بويىنشا وتكىزىلدى. قۇيرىق- باۋىر اساتىلدى، شاشۋ شاشىلدى.