قازاقستان ۇكىمەتىنىڭ قۇرامى - فوتو

استانا. قازاقپارات - بۇگىن ەلباسى نۇرسۇلتان نازاربايەۆتىڭ جارلىعىمەن قازاقستان ۇكىمەتىنىڭ جاڭا قۇرامى بەكىتىلدى. ق ر ۇكىمەتىنىڭ قۇرامى:

 ق ر پرەمەر-ءمينيسترىنىڭ ءبىرىنشى ورىنباسارى باقىتجان ساعىنتايەۆ

 1963 -جىلى جامبىل وبلىسىندا دۇنيەگە كەلگەن. س. كيروۆ اتىنداعى قازاق مەملەكەتتىك ۋنيۆەرسيتەتىن بىتىرگەن، ەكونوميكا عىلىمدارىنىڭ كانديداتى. جامبىل وبلىسى اكىمىنىڭ ورىنباسارى، ق ر تابيعي مونوپوليالاردى رەتتەۋ اگەنتتىگىنىڭ ءتوراعاسى، ق ر پرەمەر-ءمينيسترى كەڭسەسىنىڭ باسشىسى، پاۆلودار وبلىسىنىڭ اكىمى، ق ر ەكونوميكالىق دامۋ جانە ساۋدا ءمينيسترى، «نۇر- وتان» ح د پ ءتوراعاسىنىڭ ءبىرىنشى ورىنباسارى، ق ر پرەمەر- ءمينيسترىنىڭ ءبىرىنشى ورىنباسارى، وڭىرلىك دامۋ ءمينيسترى قىزمەتتەرىن اتقارعان. 2013 -جىلدىڭ 6 -قاراشاسىندا مەملەكەت باسشىسىنىڭ جارلىعىمەن ق ر پرەمەر-ءمينيسترىنىڭ ءبىرىنشى ورىنباسارى بولىپ قايتا تاعايىندالعان.
قازاقستان رەسپۋبليكاسى پرەمەر-ءمينيسترىنىڭ ورىنباسارى ساپاربايەۆ بەردىبەك ماشبەك ۇلى

1953 -جىلى تۋعان. 1977 -جىلى الماتى حالىق شارۋاشىلىعى ينستيتۋتىن «ەكونوميكا جانە ماتەريالدىق- تەحنيكالىق جابدىقتاۋ» ماماندىعى بويىنشا ءبىتىردى. ەكونوميكا عىلىمدارىنىڭ دوكتورى، پروفەسسور.

ەڭبەك جولىن قىزىلوردا وبلىسىنىڭ زادارينسكي سوۆحوزىنىڭ جۇمىسشىسىنان باستادى (1969-1971 ج ج.)؛ اسكەري قىزمەتىن وتكەردى (1971-1973 ج ج.). ينستيتۋتتى بىتىرىسىمەن رەسپۋبليكالىق مەملەكەتتىك ەڭبەك جيناقتاۋ كاسسالارى (گوسترۋدسبەركاسسى) باسقارماسىندا ەكونوميست (1977 ج.)؛ قاز س ر و قارجىمينىندە ەكونوميست، اعا ەكونوميست، جەتەكشى، باس ەكونوميست، ءبولىم باستىعىنىڭ ورىنباسارى (1977-1988 ج ج.)؛ جوسپارلاۋ- قارجى باسقارماسىنىڭ باستىعى، باس ەكونوميكا باسقارماسىنىڭ باستىعى، قازاقستان رەسپۋبليكاسى ءبىلىم ءمينيسترىنىڭ ورىنباسارى (1988-1993 ج ج.)؛ پرەزيدەنت اپپاراتى ءبولىمى مەن قازاقستان رەسپۋبليكاسى مينيسترلەرى كابينەتى مەڭگەرۋشىسىنىڭ ورىنباسارى (1993 ج.)؛ قازاقستان رەسپۋبليكاسى مينيسترلەرى كابينەتىنىڭ ىستەر باسقارماسىنىڭ قارجى، ەڭبەك جانە الەۋمەتتىك قورعاۋ ءبولىمى مەڭگەرۋشىسىنىڭ ورىنباسارى جانە مەڭگەرۋشىسى (1994-1995 ج ج.) بولدى.

قازاقستان رەسپۋبليكاسى مينيسترلەرى كابينەتى اپپاراتىنىڭ باسشىسى (1995 ج.)؛ قىزىلوردا وبلىسىنىڭ اكىمى (1995-1999 ج ج.)؛ وڭتۇستىك قازاقستان وبلىسىنىڭ اكىمى (1999-2002 ج ج.) قىزمەتتەرىن اتقاردى؛

قازاقستان رەسپۋبليكاسى كەدەندىك باقىلاۋ اگەنتتىگىنىڭ ءتوراعاسى، قازاقستان رەسپۋبليكاسى قارجى مينيسترلىگىنىڭ ۆيتسە- ءمينيسترى - كەدەندىك باقىلاۋ كوميتەتىنىڭ ءتوراعاسى (2002 ج. - 2006 ج.)؛ پرەمەر- مينيستر كەڭسەسى باسشىسىنىڭ ورىنباسارى - قازاقستان رەسپۋبليكاسى پارلامەنتىندەگى ۇكىمەتتىڭ وكىلى (2006 ج. - 2007 ج.)؛ قازاقستان رەسپۋبليكاسىنىڭ ەكونوميكا جانە بيۋدجەتتىك جوسپارلاۋ ۆيتسە- ءمينيسترى (2007 -جىلدىڭ 9 -اقپانى - 2007 -جىلدىڭ 27 -تامىزى).

2007 -جىلدىڭ 27 -تامىزىنان باستاپ قازاقستان رەسپۋبليكاسىنىڭ ەڭبەك جانە حالىقتى الەۋمەتتىك قورعاۋ ءمينيسترى لاۋازىمىندا بولعان.

«قۇرمەت» وردەنىمەن (1999 ج.)، «استانا» (1998 ج.)، «قازاقستان رەسپۋبليكاسىنىڭ تاۋەلسىزدىگىنە 10 جىل» (2001 ج.)، «قازاقستان رەسپۋبليكاسىنىڭ كونستيتۋتسياسىنا 10 جىل» (2005 ج.) مەدالدارىمەن ماراپاتتالعان. 2009 -جىلعى 4 -ناۋرىزىنان شىعىس قازاقستان وبلىسىنىڭ اكىمى بولىپ قىزمەت اتقارعان.

2014 -جىلى 11 -قاراشادا مەملەكەت باسشىسى نۇرسۇلتان نازاربايەۆتىڭ جارلىعىمەن ب. ساپاربايەۆ ق ر پرەمەر-ءمينيسترىنىڭ ورىنباسارى بولىپ تاعايىندالعان.

 قازاقستان رەسپۋبليكاسىنىڭ اۋىل شارۋاشىلىعى ءمينيسترى اسىلجان مامىتبەكوۆ

 1968 -جىلى وڭتۇستىك قازاقستان وبلىسىندا دۇنيەگە كەلگەن. ءال-فارابي اتىنداعى قازاق مەملەكەتتىك ۋنيۆەرسيتەتى مەن قازاق مەملەكەتتىك باسقارۋ اكادەمياسىن بىتىرگەن. قوستاناي وبلىسى اكىمىنىڭ ورىنباسارى، استانا قالاسى اكىمىنىڭ ورىنباسارى، وڭتۇستىك قازاقستان وبلىسى اكىمىنىڭ ورىنباسارى، قر پرەمەر- ءمينيسترى كەڭسەسى باسشىسىنىڭ ورىنباسارى، «قازاگرو» ۇلتتىق باسقارۋ حولدينگى» ا ق باسقارما ءتوراعاسى بولعان. 2011 -جىلدىڭ ءساۋىر ايىنان باستاپ - ق ر اۋىل شارۋاشىلىعى ءمينيسترى.

ق ر ادىلەت ءمينيسترى بەرىك يماشەۆ

1960 -جىلى تۋعان. م. لومونوسوۆ اتىنداعى ماسكەۋ مەملەكەتتىك ۋنيۆەرسيتەتىن بىتىرگەن. قۇقىق تانۋشى، زاڭ عىلىمدارىنىڭ كانديداتى. ق ر پرەزيدەنتىنىڭ كومەكشىسى - قاۋىپسىزدىك كەڭەسىنىڭ حاتشىسى بولىپ قىزمەت اتقارعان. ق ر پارلامەنتى سەناتىنىڭ دەپۋتاتى - كونستيتۋتسيالىق زاڭناما، سوت جۇيەسى جانە قۇقىق قورعاۋ ورگاندارى كوميتەتىنىڭ ءتوراعاسى بولعان قازاقستان رەسپۋبليكاسى پرەزيدەنتىنىڭ 2012 -جىلعى 20 -قاڭتارداعى جارلىعىمەن قازاقستان رەسپۋبليكاسى ادىلەت مينيسترى بولىپ تاعايىندالعان.

قازاقستان رەسپۋبليكاسىنىڭ ءبىلىم جانە عىلىم ءمينيسترى اسلان ءسارىنجىپوۆ

1974 -جىلى تۋعان. قازاق مەملەكەتتىك ەكونوميكالىق ۋنيۆەرسيتەتىن، وكلاحوما ۋنيۆەرسيتەتىن (ا ق ش)، ۆەنا ديپلوماتيالىق اكادەمياسىن ءتامامداعان. ەكونوميكا عىلىمدارىنىڭ كانديداتى، جوعارعى ءبىلىمدى اكىمشىلەندىرۋ سالاسىنداعى پەنسيلۆانيا ۋنيۆەرسيتەتىنىڭ (ا ق ش) دوكتورى. «نازاربايەۆ ۋنيۆەرسيتەتى» دەربەس ءبىلىم بەرۋ ۇيىمى اتقارۋشى كەڭەسىنىڭ ءتوراعاسى بولدى. 2013 -جىلعى 2 -قىركۇيەكتە قازاقستان رەسپۋبليكاسى پرەزيدەنتىنىڭ جارلىعىمەن قازاقستان رەسپۋبليكاسىنىڭ ءبىلىم جانە عىلىم ءمينيسترى بولىپ تاعايىندالدى.

 ق ر دەنساۋلىق جانە الەۋمەتتىك دامۋ ءمينيسترى تامارا دۇيسەنوۆا

1965 -جىلى وڭتۇستىك قازاقستان وبلىسىندا دۇنيەگە كەلگەن. تاشكەنت حالىق شارۋاشىلىعى بىتىرگەن، ەكونوميكا عىلىمدارىنىڭ كانديداتى. وڭتۇستىك قازاقستان وبلىسى اكىمىنىڭ ورىنباسارى، ق ر ەڭبەك جانە حالىقتى الەۋمەتتىك قورعاۋ ۆيتسە-ءمينيسترى، و ق و اكىمىنىڭ ورىنباسارى، ق ر ەڭبەك جانە حالىقتى الەۋمەتتىك قورعاۋ مينيسترلىگىنىڭ جاۋاپتى حاتشىسى، ۆيتسە- ءمينيسترى بولعان. 2013 -جىلدىڭ ماۋسىمىندا ق ر ەڭبەك جانە حالىقتى الەۋمەتتىك قورعاۋ ءمينيسترى بولىپ تاعايىندالعان.

ينۆەستيتسيا جانە دامۋ جونىندەگى ءمينيسترى اسەت يسەكەشەۆ
 

 ءال-فارابي اتىنداعى قازاق ۇلتتىق ۋنيۆەرسيتەتىن، ق ر پرەزيدەنتى جانىنداعى جوعارى مەملەكەتتىك باسقارۋ مەكتەبىن بىتىرگەن. ق ر ستراتەگيالىق جوسپارلاۋ جانە رەفورمالار اگەنتتىگىندە، ەكونوميكا جانە بيۋدجەتتىك جوسپارلاۋ مينيسترلىگىندە جۇمىس ىستەدى. ق ر يندۋستريا جانە ساۋدا ءمينيسترى، ق ر پرەمەر-ءمينيسترىنىڭ ورىنباسارى - يندۋستريا جانە جاڭا تەحنولوگيالار ءمينيسترى بولدى. 2012 -جىلدىڭ قىركۇيەگىنەن قازاقستان رەسپۋبليكاسى پرەمەر- ءمينيسترىنىڭ ورىنباسارى - قازاقستان رەسپۋبليكاسى يندۋستريا جانە جاڭا تەحنولوگيالار ءمينيسترى بولىپ تاعايىندالدى.

ق ر قارجى ءمينيسترى باقىت سۇلتانوۆ

1971 -جىلى الماتى قالاسىندا تۋعان. قازاق ۇلتتىق تەحنيكالىق ۋنيۆەرسيتەتىن جانە قازاق مەملەكەتتىك باسقارۋ اكادەمياسىن بىتىرگەن. ق ر ەكونوميكا جانە بيۋدجەتتىك جوسپارلاۋ ءمينيسترىنىڭ ورىنباسارى، ق ر ستاتيستيكا اگەنتتىگىنىڭ ءتوراعاسى، ق ر قارجى ءمينيسترىنىڭ ورىنباسارى، ق ر ەكونوميكا جانە بيۋدجەتتىك جوسپارلاۋ ءمينيسترى، ق ر پرەزيدەنتىنىڭ كومەكشىسى، ق ر پرەزيدەنتى اكىمشىلىگى باسشىسىنىڭ ورىنباسارى بولعان.

 قازاقستان رەسپۋبليكاسىنىڭ قورعانىس ءمينيسترى يمانعالي تاسماعامبەتوۆ


1956 -جىلى 9 -جەلتوقساندا گۋريەۆ وبلىسى، ماحامبەت اۋدانى، نوۆوبوگات اۋىلىندا دۇنيەگە كەلگەن.

1979 -جىلى ا. س. پۋشكين اتىنداعى ورال پەداگوگيكالىق ينستيتۋتىنىڭ جاراتىلىستانۋ- گەوگرافيا فاكۋلتەتىن، گەوگرافيا جانە بيولوگيا ماماندىعى بويىنشا ءتامامدادى. فيلوسوفيا عىلىمدارىنىڭ كانديداتى. «ەكولوگيالىق ماسەلەلەردىڭ دۇنيەتانىم اسپەكتىلەرى» كانديداتتىق ديسسەرتاتسياسىنىڭ اۆتورى.

ساياسي عىلىمدار دوكتورى. دوكتورلىق ديسسەرتاتسياسىنىڭ تاقىرىبى - «ترانزيتتىك ساياسات جۇيەلەرىندەگى الەۋمەتتىك ساياسات». قوعامدىق- ساياسي ومىردەگى ءوزىنىڭ بەلسەندى پوزيتسياسىن قازاقستاننىڭ ل ك ج و وك ءبىرىنشى حاتشىسى (1989 -جىل) جانە قازاقستان رەسپۋبليكاسىنىڭ جاستار ىستەرى بويىنشا مەملەكەتتىك كوميتەتىنىڭ ءتوراعاسى (1991 -جىل) جاۋاپتى لاۋازىمدارىندا تانىتا ءبىلدى.

يمانعالي تاسماعامبەتوۆ 1993 -جىلدان ق ر پرەزيدەنتىنىڭ كومەكشىسى بولىپ جۇمىس ىستەدى. 1995 -جىلدان - ق ر پرەمەر-ءمينيسترىنىڭ ورىنباسارى. 1997 -جىلدان ق ر پرەمەر-ءمينيسترىنىڭ ورىنباسارى - ق ر ءبىلىم جانە مادەنيەت ءمينيسترى. 1997 -جىلدان ق ر پرەزيدەنتى اكىمشىلىگىنىڭ باسشىسى - ق ر پرەزيدەنتى اكىمشىلىگى ۇيىمداستىرۋ- باقىلاۋ ءبولىمىنىڭ مەڭگەرۋشىسى. 1998

 -جىلدان - ق ر پرەزيدەنتىنىڭ ءبىرىنشى كومەكشىسى. 1999 -جىلدان - اتىراۋ وبلىسىنىڭ اكىمى. 2000 -جىلدىڭ جەلتوقسانىنان - ق ر پرەمەر-ءمينيسترىنىڭ ورىنباسارى. 2002 -جىلدان - ق ر پرەمەر-ءمينيسترى. 2003 -جىلدان ق ر مەملەكەتتىك حاتشىسى. 2004 -جىلى ق ر پرەزيدەنت اكىمشىلىگىنىڭ باسشىسى بولىپ تاعايىندالدى. 2004 -جىلدىڭ جەلتوقسانىنان 2008 -جىلدىڭ ساۋىرىنە دەيىن - الماتى قالاسىنىڭ اكىمى. 2008-2014 -جىلدار ارالىعىندا استانا قالاسىنىڭ اكىمى بولعان. 2014 -جىلعى 22 -قازان كۇنى قازاقستان رەسپۋبليكاسىنىڭ قورعانىس ءمينيسترى بولىپ تاعايىندالعان.

مادەنيەت جانە سپورت ءمينيسترى ارىستانبەك مۇحامەدي ۇلى

1963 -جىلى الماتى وبلىسىندا دۇنيەگە كەلگەن. قۇرمانعازى اتىنداعى قازاق ۇلتتىق كونسەرۆاتورياسىن، ق ر پرەزيدەنتى جانىنداعى مەملەكەتتىك باسقارۋدىڭ ۇلتتىق جوعارى مەكتەبىن، ءال- فارابي اتىنداعى قازاق ۇلتتىق ۋنيۆەرسيتەتىنىڭ اسپيرانتۋراسىن بىتىرگەن. ق ر مادەنيەت جانە اقپارات ۆيتسە-ءمينيسترى، ق ر پرەزيدەنتى اكىمشىلىگىنىڭ الەۋمەتتىك- ساياسي ءبولىمىنىڭ باس ينسپەكتورى، ىشكى ساياسات ءبولىمىنىڭ مادەنيەت سەكتورى مەڭگەرۋشىسى بولدى. ت. جۇرگەنوۆ اتىنداعى قازاق ۇلتتىق ونەر اكادەمياسىنىڭ رەكتورى قىزمەتىن اتقارعان. 2014 -جىلدىڭ 11 -ناۋرىزىنان ق ر پرەزيدەنتى جارلىعىمەن ارىستانبەك مۇحامەدي ۇلى قازاقستان رەسپۋبليكاسىنىڭ مادەنيەت ءمينيسترى بولىپ تاعايىندالدى.

ق ر سىرتقى ىستەر ءمينيسترى ەرلان ىدىرىسوۆ

1959 -جىلى تۋعان. ماسكەۋ مەملەكەتتىك حالىقارالىق قاتىناستار ينستيتۋتىن، ك س ر و س ءى م ديپلوماتيالىق اكادەمياسىن بىتىرگەن. اعىلشىن، حيندي، ۋردۋ جانە فرانتسۋز تىلدەرىن مەڭگەرگەن. 2002 -جىلعى ماۋسىمنان - ق ر- نىڭ ۇلى بريتانيا بىرىككەن كورولدىگى مەن سولتۇستىك يرلاندياداعى توتەنشە جانە وكىلەتتى ەلشىسى بولىپ، سونىمەن بىرگە ق ر- نىڭ شۆەتسيا كورولدىگىندەگى، نورۆەگيا كورولدىگىندەگى، يرلانديا رەسپۋبليكاسىنداعى توتەنشە جانە وكىلەتتى ەلشىسى مىندەتىن قوسا اتقارعان. 2007 -جىلعى شىلدەدەن باستاپ - ق ر- نىڭ امەريكا قۇراما شتاتتارىنداعى توتەنشە جانە وكىلەتتى ەلشىسى بولدى جانە برازيليا فەدەراتيۆتىك رەسپۋبليكاسىنداعى توتەنشە جانە وكىلەتتى ەلشىسى مىندەتىن قوسا اتقاردى. 2012 -جىلعى 28 -قىركۇيەكتەن باستاپ - ق ر سىرتقى ىستەر ءمينيسترى.

ق ر ۇلتتىق ەكونوميكا ءمينيسترى ەربولات دوسايەۆ

 1970 -جىلى 21 مامىردا تۋعان. الماتى ەنەرگەتيكالىق ينستيتۋتىن، باۋمان اتىنداعى ماسكەۋ مەملەكەتتىك تەحنيكالىق ۋنيۆەرسيتەتىن بىتىرگەن. ق ر پرەمەر- ءمينيسترى كەڭەسشىسى، ق ر ەنەرگەتيكا، يندۋستريا جانە ساۋدا ۆيتسە-ءمينيسترى، قارجى ۆيتسە-ءمينيسترى، قازاقستان دامۋ بانكى ديرەكتورلار كەڭەسىنىڭ ءتوراعاسى، ق ر تابيعي مونوپوليالار، باسەكەلەستىكتى قورعاۋ جانە شاعىن بيزنەستى قولداۋ اگەنتتىگىنىڭ ءتوراعاسى، ق ر دەنساۋلىق ساقتاۋ ءمينيسترى بولعان. مەملەكەت باسشىسىنىڭ 2013 -جىلعى 16 -قاڭتارداعى جارلىعىمەن ق ر ەكونوميكا جانە بيۋدجەتتىك جوسپارلاۋ ءمينيسترى بولىپ تاعايىندالعان.

 قازاقستان رەسپۋبليكاسىنىڭ ىشكى ىستەر ءمينيسترى قالمۇحانبەت قاسىموۆ

1957 -جىلى تۋعان. س. كيروۆ اتىنداعى قازاق مەملەكەتتىك ۋنيۆەرسيتەتىن بىتىرگەن. ق ر ىشكى ىستەر ءمينيسترىنىڭ ءبىرىنشى ۆيتسە-ءمينيسترى، ۆيتسە- ءمينيسترى، شىعىس قازاقستان وبلىستىق ىشكى ىستەر دەپارتامەنتىنىڭ باستىعى قىزمەتتەرىن اتقارعان. 2011 -جىلعى ءساۋىر ايىنان - قازاقستان رەسپۋبليكاسىنىڭ ىشكى ىستەر ءمينيسترى.

 ەكونوميكالىق ينتەگراتسيا ىستەرى جونىندەگى مينيستر جانار سەيداحمەت قىزى ايتجانوۆا

1965 -جىلى تۋعان.

 س. م. كيروۆ اتىنداعى قازاق مەملەكەتتىك ۋنيۆەرسيتەتىن، ۆەنا بىرىككەن ينستيتۋتىن، گارۆارد ۋنيۆەرسيتەتىنىڭ دج. كەننەدي اتىنداعى مەملەكەتتىك باسقارۋ مەكتەبىن (ا ق ش) ءتامامداعان. اعىلشىن جانە چەح تىلدەرىن مەڭگەرگەن.

ۋنيۆەرسيتەتتى بىتىرگەننەن كەيىن قاز م ۋ- دە جانە م م ۋ- دە، كارلوۆ جانە ورتالىق ەۋروپا ۋنيۆەرسيتەتتەرىندە (چەح رەسپۋبليكاسىنىڭ پراگا ق. ) ماشىقتانۋدان ءوتتى.

 ب ۇ ۇ- نىڭ قازاقستان رەسپۋبليكاسىنداعى وكىلدىگىندە باعدارلامالار ۇيلەستىرۋشىسى، موڭعولياداعى ب ۇ ۇ- نىڭ ۇيلەستىرۋشىسى جانە ب ۇ ۇ- نىڭ دامۋ باعدارلاماسى وكىلىنىڭ كومەكشىسى بولىپ جۇمىس ىستەدى. ب ۇ ۇ دامۋ باعدارلاماسىنىڭ نيۋ- يورك قالاسىنداعى ەۋروپا جانە ت م د وڭىرلىك بيۋروسىنىڭ ورتالىق ازيا ەلدەرى ءبولىمىنىڭ باعدارلامالار جەتەكشىسى بولدى.

2003 -جىلعى قىركۇيەكتە ج. س. ايتجانوۆا قازاقستان رەسپۋبليكاسى يندۋستريا جانە ساۋدا ۆيتسە- ءمينيسترى بولىپ تاعايىندالدى. 2005 -جىلعى مامىردا وعان قازاقستان رەسپۋبليكاسىنىڭ بۇكىل الەمدىك ساۋدا ۇيىمىنا (ب س ۇ) كىرۋى جونىندەگى كەلىسسوزدەردەگى قازاقستان رەسپۋبليكاسىنىڭ ارنايى وكىلىنىڭ مىندەتتەرى جۇكتەلدى.

2010 -جىلدىڭ ناۋرىزىندا قازاقستان رەسپۋبليكاسى ەكونوميكالىق دامۋ جانە ساۋدا ءمينيسترى بولىپ تاعايىندالدى.

 2011 -جىلعى ساۋىردە قازاقستان رەسپۋبليكاسى ەكونوميكالىق ينتەگراتسيا ىستەرى جونىندەگى مينيستر بولىپ تاعايىندالدى.

"ەرەن ەڭبەگى ءۇشىن" مەدالىمەن ماراپاتتالعان.

 ەنەرگەتيكا ءمينيسترى ۆلاديمير شكولنيك

 1949 -جىلى ماسكەۋ وبلىسىندا دۇنيەگە كەلگەن. ماسكەۋ ينجەنەرلىك- فيزيكالىق ينستيتۋتىن بىتىرگەن. جاڭا قىزمەتكە تاعايىندالعانعا دەيىن «قازاتومونەركاسىپ» ۇ ا ك» ا ق باسشىسى بولعان.