لا- مانش بۇعازىندا ا ق ش- تىڭ اسكەري ۇشاعى جوعالىپ كەتتى

استانا. قازاقپارات -  لا- مانش بۇعازىنىڭ ۇستىنەن ۇشىپ بارا جاتقان ا ق ش- تىڭ ءا ءا ك- ىنە تيەسىلى س-135 اسكەري- تاسىمال ۇشاعى جوعالىپ كەتتى.

 بۇل تۋرالى بريتان ب ا ق وكىلدەرىنە سىلتەمە جاساي وتىرىپ epochtimes.ru سايتى جازادى.

بۇگىن تاڭەرتەڭ اۋە كولىگى فرانسيانىڭ امەن قالاسىنان شىعىپ، ارادا 15 مينۋت وتكەندە كوزدەن عايىپ بولعان. وسىنىڭ الدىندا ۇشقىشتار بورتتاعى توتەنشە جاعداي تۋرالى حابارلاعان. اتالعان ۇشاقتا 117 توننا جانار- جاعارماي بار ەكەن. ا ق ش بيلىگى ازىرگە بۇل اقپاراتتى راستاعان جوق. ا ق ش ءا ءا ك وكىلدەرى مەن  ۇلى بريتانيانىڭ قورعانىس مينيسترلىگى دە ۇشاقتىڭ جوعالۋىنا بايلانىستى قانداي دا ءبىر حابارلاما جاساۋعا اسىعار ەمەس.

www.24.kz