ەلباسى «استانا، الماتى قالالارى، وبلىس اكىمدەرى جانە ق ر پرەزيدەنتىنە تىكەلەي باعىناتىن مەملەكەتتىك ورگاندارىنىڭ باسشىلارى تۋرالى» جارلىققا قول قويدى

استانا. قازاقپارات - مەملەكەت باسشىسى نۇرسۇلتان نازاربايەۆ «استانا مەن الماتى قالالارىنىڭ، وبلىس اكىمدەرى تۋرالى» جارلىققا قول قويدى.

بۇل تۋرالى اقوردانىڭ تۆيتتەردەگى پاراقشاسىندا حابارلادى.

ن. نازاربايەۆ «ق ر پرەزيدەنتىنە تىكەلەي باعىناتىن جانە ەسەپ بەرەتىن مەملەكەتتىك ورگاندار باسشىلارى تۋرالى» جارلىققا قول قويدى

سونداي-اق بۇگىن مەملەكەت باسشىسى نۇرسۇلتان نازاربايەۆ «ق ر پرەزيدەنتىنە تىكەلەي باعىناتىن جانە ەسەپ بەرەتىن مەملەكەتتىك ورگاندار باسشىلارى تۋرالى» جارلىققا دا قول قويدى.

«قازاقستان رەسپۋبليكاسىنىڭ پرەزيدەنتىنە تىكەلەي باعىناتىن جانە ەسەپ بەرەتىن مەملەكەتتىك ورگانداردىڭ باسشىلارى تۋرالى» جارلىق

«قازاقستان رەسپۋبليكاسىنىڭ پرەزيدەنتى تۋرالى» قازاقستان رەسپۋبليكاسى كونستيتۋتسيالىق زاڭىنىڭ 17-1-بابىنىڭ 1-تارماعىنا سايكەس جاڭادان سايلانعان قازاقستان رەسپۋبليكاسىنىڭ پرەزيدەنتى قىزمەتىنە كىرىسكەن كەزدە قازاقستان رەسپۋبليكاسىنىڭ پرەزيدەنتىنە تىكەلەي باعىناتىن جانە ەسەپ بەرەتىن مەملەكەتتىك ورگانداردىڭ باسشىلارى وكىلەتتىگىنىڭ توقتاتىلۋىنا بايلانىستى قاۋلى ەتەمىن:

1. قازاقستان رەسپۋبليكاسىنىڭ پرەزيدەنتىنە تىكەلەي باعىناتىن جانە ەسەپ بەرەتىن مەملەكەتتىك ورگانداردىڭ باسشىلارى ءتيىستى باسشىلار تاعايىندالعانعا دەيىن ءوز مىندەتتەرىن اتقاراتىن بولسىن.

2. وسى جارلىق قول قويىلعان كۇنىنەن باستاپ قولدانىسقا ەنگىزىلەدى.

قازاقستان رەسپۋبليكاسىنىڭ

پرەزيدەنتى ن. نازاربايەۆ

استانا، اقوردا، 2015-جىلعى 29- ءساۋىر

2№