بۇل تۋرالى يران رەسپۋبليكاسىنىڭ قازاقستانداعى ەلشىلىگىنەن حابارلادى.
«قۇرمەتتى قازاقستان رەسپۋبليكاسىنىڭ پرەزيدەنتى اسا مارتەبەلى نۇرسۇلتان ءابىش ۇلى نازاربايەۆ مىرزا!
ءسىزدى قازاقستان رەسپۋبليكاسىنىڭ پرەزيدەنتى بولىپ قايتا سايلانۋىڭىزبەن قۇتتىقتايمىن! بۇل تاڭداۋ يران يسلام رەسپۋبليكاسى مەن قازاقستان رەسپۋبليكاسىنىڭ جاۋاپتى تۇلعالارىنىڭ ەكى جاقتى قارىم-قاتىناستار اياسىندا جوسپارلانعان باعدارلامالاردى جۇزەگە اسىرۋدا ەڭبەكتەرىنىڭ جەمىستى بولۋى ءۇشىن جاقسى مۇمكىندىك جاسايدى.
جاراتۋشى يەمىزدەن سىزگە مىقتى دەنساۋلىق پەن زور جەتىستىكتەر تىلەيمىن. قازاقستاننىڭ دوس ءارى باۋىرلاس حالقى مەن ۇكىمەتى وركەندەپ، مەرەيى اسقاقتاي بەرسىن!» - دەپ جازىلعان قۇتتىقتاۋدا.