ءبىز ميلليونداعان جاڭا جۇمىس ورىندارىن قۇرامىز - ق ر پرەزيدەنتى
«سايلاۋ شارالارى اياقتالدى. ەندى ناقتى جۇمىستاردىڭ كەزەگى كەلدى. ءبىز اتقاراتىن جۇمىستارىمىزدى بىلەمىز. سايلاۋ الدىنداعى كومپانيا بارىسىندا مەن ۇسىنعان رەفورمالاردى ءتۇسىندىرۋ جۇرگىزىلدى. قازاقستاننىڭ يندۋستريالاندىرۋىن اياعىنا دەيىن جەتكىزىپ، ەكىنشى ەكونوميكانى قۇرۋىمىز كەرەك، تابىستىڭ جاڭا ساپاسىمەن جانە ادامداردىڭ بىلىكتىلىگىمەن ميلليونداعان جاڭا جۇمىس ورىندارىن قۇرۋىمىز قاجەت. بۇل بىرىنشىدەن»، - دەدى ەلباسى.
مۇنىمەن قوسا پرەزيدەنت «نۇرلى جول» باعدارلاماسىن جۇزەگە اسىرىپ، بارشا قازاقستان بويىنشا جولدار جەلىسىن سالىپ، ساپالى اۆتوكولىك جانە تەمىر جولداردى، ەلەكتر جەلىلەرىن ىسكە قوسۋ قاجەتتىگىن اتاپ ءوتتى. وسى ارقىلى ەلىمىزدىڭ ەكونوميكالىق بايلانىستارىن تاعى جانداندىرىپ، قازاقستاندى ترانزيتتىك مەملەكەتكە اينالدىرۋ جۇمىستارى اتقارىلادى.
«مەن بەس جاڭا ينستيتۋتسيونالدىق رەفورمالاردى ۇسىندىم. وسىنىڭ نەگىزىندە بيزنەس دامىپ، بيزنەستىڭ ەركىندىگى قامتاماسىز ەتىلەدى. بيزنەس قولداۋعا يە بولۋى ءتيىس، ەشكىم دە جەكە مەنشىككە كۇدىك ۇيالاتپاۋى ءتيىس»، - دەدى ەلباسى.
مەملەكەت باسشىسى بۇل جاڭا كەزەڭ ەكەنىن، الداعى كۇردەلى جۇمىستاردى بارشا حالىق بىرگە ەڭسەرۋى ءتيىس ەكەنىن اتاپ ءوتتى.
فورۋم بارىسىندا ن. نازاربايەۆ قازاقستاندىقتارعا جاڭا ماقساتتاردى ىسكە اسىرۋدا تابىستار تىلەدى.
«ءبىز ەلىمىزدە بىرلىكتى ۇستانامىز. ءبىز قازاقستاننىڭ اينالاسىنداعى جانە بارشا الەمدەگى وداقتاستارىمىز بەن سەرىكتەستەرىمىزدىڭ الدىندا ءوزىمىزدىڭ مىندەتتەرىمىزگە بەرىك بولامىز. وزىمىزدە بەيبىتشىلىكتى نىعايتامىز، ەلىمىز بەن بارشا الەمدەگى بەيبىتشىلىككە ىقپال ەتەمىز»، - دەدى پرەزيدەنت.
اۆتور: رۋسلان عابباسوۆ