سەرىك ساپيەۆ: پرەزيدەنت ءوز قارسىلاستارىن ءبىرىنشى راۋندتا «نوكاۋتقا» جىبەردى

استانا. قازاقپارات - استاناداعى «سارىارقا» ۆەلوترەگىندە جەڭىمپازدار فورۋمى ءوتتى. وعان قايتا سايلانعان قازاقستان پرەزيدەنتى نۇرسۇلتان نازاربايەۆ قاتىستى.

فورۋم بارىسىندا ن. نازاربايەۆ ءسوز سويلەپ، داۋىس بەرگەن بارشا حالىققا ءوز العىسىن ءبىلدىردى. وسىدان كەيىن دەپۋتاتتار، قوعام قايراتكەرەرى مەن سپورتشىلار ءوز تىلەكتەرىن ءبىلدىردى. اتاپ ايتقاندا، لوندون وليمپياداسىنىڭ جەڭىمپازى، بوكسشى سەرىك ساپيەۆ پرەزيدەنتتى ءبىرىنشى راۋندتا جەڭىسكە جەتكەن بوكسشىعا تەڭەدى.

«بۇگىن - جەڭىس كۇنى! سايلاۋ ناۋقانىنىڭ رينگىندە ءسىز ءبىرىنشى راۋندتا-اق ءوز قارسىلاستارىڭىزدى «نوكاۋتقا» جىبەردىڭىز. ءبىز ءوز ەلىمىزدى سۇيەمىز. سول سەبەپتى مىقتى ءارى تابىستى قازاقستان ءۇشىن داۋىس بەردىك. ءبىزدى جاڭا جەڭىستەرگە جەتەلەيتىن كوشباسشى ءۇشىن داۋىس بەردىك. ءبىز سىزگە داۋىس بەردىك. قازاقستان، تەك قانا العا!»، - دەدى س. ساپيەۆ.

رەسمي بولىمنەن كەيىن «سارىارقا» ۆەلوترەگىنە جينالعان 8 مىڭعا جۋىق حالىق: «نۇرسۇلتان! قازاقستان!»، - دەپ ۇراندادى. سوسىن پرەزيدەنتپەن بىرگە «اتامەكەن» ءانىن شىرقادى.

ايتا كەتەيىك، ورتالىق سايلاۋ كوميسسياسىنىڭ الدىن الا مالىمەتتەرىنە سايكەس، بيىلعى پرەزيدەنتتىك سايلاۋدا نۇرسۇلتان نازاربايەۆ داۋىستىڭ 97,7 پايىزىن جيناپ، جەڭىسكە جەتتى.

اۆتور: ارمان اسقار

«الاش ايناسى»