كۇمىستىڭ ەمدىك قاسيەتى

نۇر-سۇلتان. قازاقپارات - كۇمىستىڭ ادام اعزاسىنا شيپالىق قاسيەتى كوپ ەكەندىگى ەجەلدەن بەلگىلى.

اتا-بابالاردىڭ بۇرىن-سوڭدى كۇمىس ىدىسپەن تاماقتانىپ، سۋدى كۇمىس ىدىسقا ساقتاۋى دا تەگىن ەمەس. اتالعان مەتالدىڭ ەمدىك قاسيەتى مەديتسينادا دا دالەلدەنگەن. ول ءتىستىڭ قىزىل يەگىن زاقىمدانۋدان ساقتايدى، ءتۇرلى باكتەريالاردى جويىپ، اسقازان-ىشەك جولدارىن تازارتادى. سوندىقتان، مۇمكىندىگىنشە كۇمىس ىدىستاردى كۇندەلىكتى تۇرمىستا پايدالانعان ءجون.

سونىمەن، كۇمىس ادام اعزاسىنا نەلىكتەن جاقسى اسەر بەرەدى؟ بۇرىن اۋرۋعا قارسى دارىلەر وندىرىلگەنگە دەيىن كۇمىستى ەم رەتىندە ءجيى قولدانعان. كوپتەگەن ەلدەر كۇمىس قوسىلعان سۋدى ءتۇرلى ەمگە شيپا رەتىندە پايدالاندى. مۇنداي سۋ ادامعا قۋات بەرىپ، دەنەنى كۇنى بويى سەرگەك جۇرۋگە كومەكتەسەدى. اتالعان ميكروەلەمەنتكە قانىققان اعزا سيرەك اۋىرادى، تابەتى دە جاقسى بولادى.

سۋ كۇمىسپەن ارەكەتتەسكەندە يوندالىپ، ونىڭ قۇرامىندا ۇزاق ساقتالادى. سوندىقتان، كۇمىس قوسىلعان سۋ اعزاداعى كوپتەگەن زياندى ميكرواعزالاردى جويادى. ادام اعزاسىنىڭ تۇماۋ جانە جۇقپالى اۋرۋلارعا توتەپ بەرە الماۋىنىڭ سەبەبى يممۋندىق جۇيەدەگى كۇمىستىڭ ازايۋىنان بولادى دەيدى دارىگەرلەر. ءتىپتى، اعزادا از عانا كۇمىس جەتىسپەۋشىلىگى بايقالعان جاعدايدا ادامنىڭ جۇمىس ىستەۋ قابىلەتى تومەندەپ، السىزدىك، تەز شارشاۋ پايدا بولاتىن كورىنەدى.

سونداي-اق، شەتەلدىك دارىگەر روبەرت بەكەر كۇمىس يوندارى ادام اعزاسىنداعى جاسۋشالاردىڭ كوبەيۋىنە اسەر ەتە الاتىندىعىن دالەلدەدى. ول ءوزىنىڭ عىلىمي كىتابىندا كۇمىس يوندارىنىڭ راك اۋرۋىنا شالدىققان ادامداردىڭ جاسۋشالارىن قايتا ءتىرىلتىپ، كوبەيۋىنە كومەگى بار ەكەنىن ايتتى.

Baq.kz