قازاقستانداعى سايلاۋدان ۇلكەن اسەر الدىق - نەمىس ديپلوماتى بەرتولد فون پلەتس
22:53, 26 - ءساۋىر 2015
استانا. قازاقپارات - قازاقستانداعى سايلاۋ ۇدەرىسىنەن ۇلكەن اسەر الدىق، دەپ اتاپ ءوتتى قازاقستانداعى پرەزيدەنتتىك سايلاۋعا گەرمانيادان كەلگەن بايقاۋشى، ديپلومات بەرتولد حانس- فريدريح فون پلەتتس.
«ءبىز وسىندا حالىقارالىق بايقاۋشىلار رەتىندە بىرنەشە كۇن بويى جۇمىس جاساپ كەلەمىز. ءبىز ءبىرقاتار كەزدەسۋلەر وتكىزدىك. سايلاۋ ۋچاسكەلەرىنە باس سۇقتىق جانە ول جەردەن ۇلكەن اسەر الىپ قايتتىق» ، - دەدى ول استاناداعى بريفينگتە.
ءوز كەزەگىندە، گەرمانيادان كەلگەن باسقا باقىلاۋشى بۋندەستاگ دەپۋتاتى كارين شترەنس، قاي سايلاۋعا بارساق تا، سايلاۋشىلاردىڭ كوپ سانىن كوردىك دەپ وتىر.
«ءبىز كوكشەتاۋدا بولدىق. تۇسكە دەيىن سايلاۋشىلاردىڭ 50 پايىزى داۋىس بەرىپ ۇلگەردى دەپ ەستىدىك. بۇل وتە جوعارى كورسەتكىش. گەرمانيادا، مىسالى، مۇندايدى كورۋ قيىن» ، - دەدى ول.
اۆتور: جاسۇلان جولدىبايەۆ