بولگاريانىڭ بۇرىنعى ەلشىسى قازاقستانداعى وڭ وزگەرىستەرگە تاڭدانىسىن جاسىرمادى

استانا. قازاقپارات - بولگاريانىڭ بۇرىنعى ەلشىسى ديميتر دەكوۆ قازاقستانداعى وڭ وزگەرىستەرگە تاڭدانىسىن جاسىرمادى.

«مەن قازاقستاندا 2004 -جىلدان بەرى بولعان ەمەسپىن، وسىندا اياق باسقاندا ەلدە ۇلكەن وزگەرىستەر بولعانىن بىردەن بايقادىم»، - دەيدى 1999-2004 -جىلدارى قازاقستانداعى بولگاريا ەلشىسى بولعان ديميتر دەكوۆ.

 «2004 -جىلدان بەرى كورگەنىم وسىنداي بولسا، ەلدىڭ دامۋى وتە قارقىندى دەۋگە ابدەن بولادى. قازاقستاننىڭ بارلىق وڭىرلەرىندە وسىنداي وزگەرىستەر ورىن العانىنا سەنىمدىمىن. 10 جىلدا مەملەكەت وتە قاتتى دامىپ كەتكەن»، - دەدى ول.

ءسوز اراسىندا ول قازاقستان حالقىنا تاتۋ-ءتاتتى ءومىر تىلەدى. «بۇل ەلدە تەك قازاقتار عانا ەمەس، وزگە دە ەتنوستار تۇرىپ جاتىر. سايلاۋ ماقساتى دا سول - تاتۋ-ءتاتتى تىرشىلىك كەشۋ جانە بولاشاقتى ويلاۋ. قازاقستانعا ءوز جولىنان تايماۋىن جانە ءوز الەۋەتىن ارى قاراي دامىتۋىن تىلەيمىن»، - دەيدى ول.

اۆتور: جاسۇلان جولدىبايەۆ