س ق و اكىمى: ءبىز سايلاۋعا بالالارىمىزدىڭ بولاشاعى ءۇشىن بارامىز
مۇنداعى سايلاۋ بارىسىن ە ق ى ۇ- نان 18 بايقاۋشى جانە رەسەيدىڭ 42 بايقاۋشىسى باقىلاۋدا.
644№ سايلاۋ ۋچاسكەسىندە داۋىس بەرۋگە 1150 پەتروپاۆلدىق تىركەلگەن. بايقاۋشىلاردىڭ ايتۋىنشا، سايلاۋشىلاردىڭ قاتىسۋى بەلسەندى. تاڭعى ساعات 9-عا قاراي مۇندا شامامەن 300 سايلاۋشى داۋىس بەردى. اتالعان ۋچاسكەدە ءوز داۋىسىن سولتۇستىك قازاقستان وبلىسىنىڭ اكىمى ەرىك سۇلتانوۆ بەرۋگە كەلدى.
«بۇگىن مەن ق ر پرەزيدەنتىن سايلاۋىنا ەڭ الدىمەن ەرتەڭگى كۇنىنە سەنىم ارتقىسى كەلەتىن ازامات رەتىندە كەلدىم. سايلاۋعا قاتىسۋ - قازاقستان ازاماتتارىنىڭ كونستيتۋتسيالىق قۇقىعى. بۇل - وتە ماڭىزدى ساياسي وقيعا. سايلاۋعا كەلەتىن ادامدار ءوز بالالارىنىڭ بولاشاعى ءۇشىن داۋىس بەرىپ وتىر. ءبىزدىڭ وبلىسىمىزدىڭ تۇرعىندارى بەلسەندى ازاماتتىق پوزيتسياسىمەن ەرەكشەلەنىپ، بۇكىل ەل ءۇشىن ماڭىزدى وقيعالاردان تىس قالماي وتىرعانىن اتاپ وتكىم كەلەدى»، - دەدى ەرىك سۇلتانوۆ.
بايقاۋشىلاردىڭ ايتۋىنشا، پەتروپاۆلدا سايلاۋ پروتسەسى تىنىش ءوتىپ جاتىر.