ءماجىلىس سپيكەرى ق ر پرەزيدەنتىنىڭ سايلاۋىندا داۋىس بەردى

استانا. قازاقپارات - ءماجىلىس ءتوراعاسى قابيبوللا جاقىپوۆ قازاقستاندىق ساياساتكەرلەردىڭ اراسىندا العاشقىلاردىڭ ءبىرى بولىپ كەزەكتەن تىس پرەزيدەنتتىك سايلاۋدا داۋىس بەردى.

«جاعالاۋ» شاعىناۋدانىنداعى 71№ مەكتەپتە ورنالاسقان 92 سايلاۋ ۋچاسكەسىنە ءماجىلىس سپيكەرى زايىبىمەن 8.15 تە كەلدى. تاڭەرتەڭگىلىكتە قالىڭ تۇمان تۇسكەنىنە جانە سايلاۋ ۋچاسكەسىنىڭ قاشىقتاۋ ورنالاسقانىنا قاراماستان سايلاۋشىلاردىڭ بەلسەندىلىگى جوعارى بولدى.

ەسكە سالا كەتەيىك، استانادا 254 سايلاۋ ۋچاسكەسى تىركەلگەن، ولاردىڭ 189 سى - جەرگىلىكتى جەرلەردە جانە 65 ۋچاسكە شەتەلدەردە، وكىلدىكتەردە، ەلىشىلىكتەردە جانە كونسۋلدىقتاردا ورنالاسقان. استانادا 400 مىڭنان استام سايلاۋشى بار.