داۋىس بەرۋ ترانسپارەنتتى، ءادىل، اشىق، زاڭ بۇزۋشىلىقسىز جانە سايلاۋ زاڭناماسىنىڭ نورمالارىنا سايكەس ءوتىپ جاتىر

استانا. قازاقپارات - داۋىس بەرۋ ترانسپارەنتتى، ءادىل، اشىق، زاڭ بۇزۋشىلىقسىز، قالىپتى جانە سايلاۋ زاڭناماسىنىڭ نورمالارىنا سايكەس ءوتىپ جاتىر.

بۇل تۋرالى بۇگىن ق ر ورتالىق سايلاۋ كوميسسياسىندا وتكەن بريفينگتە ق ر و س ك حاتشىسى باقىت مەلدەشيەۆ ءمالىم ەتتى.

«قازىرگى ۋاقىتتا قازاقستان رەسپۋبليكاسىنىڭ اۋماعىندا ورنالاسقان بارلىق سايلاۋ ۋچاسكەلەرى داۋىس بەرۋگە كىرىستى. داۋىس بەرۋ ترانسپارەنتتى، ءادىل، اشىق، زاڭ بۇزۋشىلىقسىز، قالىپتى جانە سايلاۋ زاڭناماسىنىڭ نورمالارىنا سايكەس ءوتىپ جاتىر. بايقاۋشىلارعا سايلاۋ ۇدەرىسىنىڭ بارلىق كەزەڭدەرىندە بوگەتسىز مونيتورينگ جۇرگىزۋ ءۇشىن بارلىق جاعداي قامتاماسىز ەتىلدى»، - دەدى ول.

كوميسسيا حاتشىسىنىڭ اتاپ وتۋىنشە، قازاقستاننىڭ سايلاۋ زاڭناماسىندا سايلاۋدى حالىقارالىق بايقاۋ ينستيتۋتى كوزدەلگەن. ق ر پرەزيدەنتىنىڭ كەزەكتەن تىس سايلاۋىنا 856 حالىقارالىق بايقاۋشى اككرەديتتەلگەن. ولاردىڭ ىشىندە ە ق ى ۇ ميسسياسىندا 36 مەملەكەتتەن 291, ت م د ميسسياسىندا 8 مەملەكەتتەن 410, ش ى ۇ- دا 5 مەملەكەتتەن 10, ءۇش حالىقارالىق ۇيىمنان 29 جانە 37 شەت مەملەكەتتەن 116 بايقاۋشى بار. سونىمەن قاتار سايلاۋدى حالىقارالىق بايقاۋعا 37 شەت مەملەكەتتىڭ اككرەديتتەلگەن 168 ب ا ق وكىلى دە قاتىسا الادى.

«بارلىعى 1024 حالىقارالىق بايقاۋشى مەن ب ا ق وكىلى اككرەديتتەۋدەن ءوتتى. سونىمەن قاتار تۇتاستاي دەرلىك سايلاۋ ۋچاسكەلەرىنە پرەزيدەنتتىك سايلاۋدا داۋىس بەرۋ بارىسىن ق ر پرەزيدەنتتىگىنە كانديداتتاردىڭ سەنىم بىلدىرگەن ادامدارى، ولار رەسپۋبليكا بويىنشا 30 مىڭعا جۋىق ادام - بايقايدى. سونداي-اق ساياسي پارتيالاردان، قوعامدىق بىرلەستىكتەردەن جانە تاعى وتاندىق بايقاۋشىلاردىڭ ىقتيمال كوپ سانى قاداعالايدى»، - دەدى ب. مەلدەشيەۆ.

اۆتور: مارلان جيەمباي