استانالىقتار ق ر پرەزيدەنتى سايلاۋىنا قاتىسۋدا
مۇندا جەرگىلىكتى سايلاۋ كوميسسياسىنىڭ ءتوراعاسى ايمان دۇيسەنوۆانىڭ، ب ا ق وكىلدەرىنىڭ جانە تاۋەلسىز باقىلاۋشىلاردىڭ قاتىسۋىمەن رەسمي اشىلۋ سالتاناتى ءوتتى. العاشقى 50 تۇرعىنعا، ءار ءجۇزىنشى سايلاۋشىعا، ۇ و س ارداگەرلەرى مەن تىل ەڭبەككەرلەرىنە، سونداي-اق ومىرلەرىندە العاش رەت سايلاۋعا قاتىسۋعا كەلگەندەرگە سىيلىقتار تابىستالادى.
ەڭ العاشقى سايلاۋشى ومىرىندە ءبىرىنشى رەت داۋىس بەرۋ ناۋقانىنا قاتىسۋشىلاردىڭ ءبىرى - ل. ن. گۋميليەۆ اتىنداعى ەۋرازيا ۇلتتىق ۋنيۆەرسيتەتىنىڭ ستۋدەنتى رامازان رىمبەكوۆ بولدى
- مەن ەلىمىز ءۇشىن وسىنداي تاريحي ماڭىزى بار وقيعاعا قاتىسىپ وتىرعانىما قۋانىشتىمىن. ەڭ الدىمەن مەن قازاقستانداعى تۇراقتىلىق پەن ەلدىڭ گۇلدەنۋى ءۇشىن داۋىس بەرەمىن، - دەدى رامازان.
اتاپ وتەيىك، استانا قالاسىندا 254 سايلاۋ ۋچاسكەسى تىركەلگەن، ولاردىڭ 189 ى - جەرگىلىكتى جەردە، 65 ءى - شەت ەل ەلشىلىكتەرىندە، وكىلدىكتەرى مەن كونسۋلدىقتارىندا. استانا قالاسىندا 400 مىڭنان استام سايلاۋشى تىركەلگەن.