بۇل تۋرالى جۋرناليستەرگە فرانسيانىڭ ىشكى ىستەر ءمينيسترى بەرنار كازنيەۆ سارسەنبى كۇنى ءمالىم ەتتى.
كازنيەۆتىڭ سوزىنە قاراعاندا، ول جەكسەنبى كۇنى ۇستالعان. بۇل ادام جەدەل جاردەم قىزمەتكەرلەرىنىڭ پوليتسياعا جاساعان مالىمدەمەسى نەگىزىندە قاماۋعا الىندى. قارۋدى ابايسىز پايدالانعان ەر ادام ءوزىن جاراقاتتاپ الىپ، جەدەل جاردەم قىزمەتكەرلەرىن شاقىرتىپتى.
كۇدىكتىنىڭ تۇرعىلىقتى جەرىن ءتىنتۋ بارىسىندا قارۋدىڭ الۋان ءتۇرى مەن پاريش شىركەۋلەرىنە شابۋىل جاساماق بولعاندىعىن ايعاقتايتىن وزگە دە دالەلدەر تابىلدى.
سەزىكتى 24 جاستاعى الجيرلىك ستۋدەنت ەكەنى حابارلاندى. ول كوپ جىلدان بەرى فرانسيادا تۇرىپ جاتىر. سونداي-اق، ونىڭ سيرياعا بارماق بولعانى بەلگىلى.