تۇگەل تۇركى ىستامبۇلدا باس قوسپاق

  استانا. قازاقپارات -  ەرتەڭ ىستامبۇل قالاسىندا بۇكىل الەمدىك تۇركى فورۋمى باستالادى.

تۇرىك ازيا ستراتەگيالىق زەرتتەۋلەر ورتالىعىنىڭ (TASAM) ۇيىمداستىرۋىمەن ءتورتىنشى رەت وتكەلى وتىرعان القالى جيىنعا حالىقارالىق تۇركى اكادەمياسى قولداۋ كورسەتىپ وتىر، دەپ حابارلايدى حالىقارالىق تۇركى اكادەمياسىنىڭ باسپا ءسوز قىزمەتىنەن.

 فورۋم بارىسىندا تۇركى دۇنيەسىنىڭ « قىزىل الما» سىيلىعى تابىس ەتىلەدى. اتالعان سىيلىق وتكەن جىلدان باستاپ بەرىلە باستاعان. «مەملەكەت» ، «بيزنەس» ، «عىلىم» ، «مادەنيەت» قاتارلى بىرنەشە اتالىم بويىنشا تاعايىندالادى.

جالپى «اشىق ديپلوماتيا. مەديا. اقپارات» تاقىرىبىندا 3 كۇنگە جوسپارلانعان فورۋمنىڭ ءبىر سەسسياسى ايگىلى شاناققالا شايقاسىنىڭ 100 جىلدىعىنا ارنالادى. 2010 -جىلدان تۇراقتى وتكىزىلە باستاعان فورۋمعا جىل سايىن 60 تان استام مەملەكەت قاتىسادى. بيىل دا وسىنشا ەلدەن مەملەكەت جانە قوعام قايراتكەرلەرى، زيالى قاۋىم وكىلدەرى، عالىمدار مەن حالىقارالىق ۇيىم باسشىلارى قاتىسادى دەپ كۇتىلۋدە.

baq.kz