بۇل تۋرالى كەشە ق ر پرەزيدەنتى جانىنداعى ورتالىق كوممۋنيكاتسيالار قىزمەتىندەگى بريفينگتە «حالىقارالىق باعدارلامالار ورتالىعى» اق پرەزيدەنتى عاني نىعىمەتوۆ ءمالىم ەتتى.
«شەتەلدە قالىپ قويعان «بولاشاقتىقتار» العاشقى جىلداردا بولدى. ءبىزدىڭ ورتالىق قۇرىلعاننان كەيىن مۇنداي جاعداي مەن مالىمەت بىزدە بولعان جوق. اتاپ ايتقاندا، بارشا ستيپەندياتتار قايدا وقىپ جاتقاندىعىن بىلەمىز جانە ولار ەلگە قايتا ورالىپ جاتىر. شارت بويىنشا ولار قازاقستاندا بەس جىل جۇمىس ىستەۋى كەرەك»، - دەدى ورتالىق باسشىسى.
2012 - جىلدان باستاپ باعدارلاماعا قاتىسۋشىلار ءۇش تاراپتىق كەلىسىمگە قول قويىپ وتىرعاندىعىن ەسكە سالىپ وتكەن ع. نىعىمەتوۆ، بۇنىڭ اياسىندا ستيپەنديات ەلگە كەلگەندە ونىڭ جۇمىس بەرۋشىسى بەلگىلى بولاتىندىعىن، سونداي- اق جۇمىس بەرۋشى قىزمەت ورنىن ساقتاپ قالۋعا مىندەت الاتىندىعىن اتاپ ءوتتى.
«ستيپەندياتتىڭ وبەكتيۆتى سەبەپتەرمەن بەس جىلدىق مىندەتىن ورىنداي الماۋ فاكتىلەرى وتە از. شامامەن ەكى ادام. مىندەتتى ورىنداي الماعاندار بارشا قاراجاتتى مەملەكەتكە قايتارىپ بەرۋى ءتيىس»، - دەدى ول.
اۆتور: رۋسلان عابباسوۆ