جارىسقا قازاقستان، قىرعىزستان، تۇركىمەنستان، تاجىكستان، سونىمەن قاتار شاڭحاي قالاسىنداعى قازاق دياسپوراسىنىڭ نامىسىن قورعاعان 12 ستۋدەنتتىك كوماندا قاتىستى.
ەكىنشى ورىنعا جەرگىلىكتى قازاق دياسپوراسىنىڭ «جالعاس» كومانداسى، ءۇشىنشى ورىنعا تۇركىمەنستان ستۋدەنتتەر قۇراماسى يە بولدى.
«تۋرنيردىڭ ۇزدىك قاقپاشىسى» اتالىمىندا «جالعاس» كومانداسىنىڭ مۇشەسى ەرجان شەيمۇرات ۇلى، «ۇزدىك جارتىلاي قورعاۋشى» - تۇركىمەنستاندىق ستۋدەنت تاگانوۆ سەردار، ال قازاقستاندىق ستۋدەنت جاكەن قۋانىش «تۋرنيردىڭ ۇزدىك ويىنشىسى» بولىپ تانىلدى.
چەمپيونات كەزىندە قىتايداعى قازاقستاندىق ستۋدەنتتەر قاۋىمداستىعىنىڭ (KSAC) شاڭحايلىق بولىمشەسىنىڭ بەلسەندىلەرى «شايحانا» مەيرامحاناسىمەن بىرلەسىپ قايىرىمدىلىق شاراسىن وتكىزدى. مۇندا جينالعان قارجى سۋ تاسقىنىنان زارداپ شەككەن قاراعاندى وبلىسىنىڭ تۇرعىندارىنا باعىتتالماق.