مۇسىلماندار - «الەمدەگى ەڭ ىقپالدى ادامداردىڭ» جۇزدىگىندە
اتالمىش تىزىمدە مۇسىلمان باۋىرلارىمىزدىڭ دا ەسىمدەرى بارشىلىق.
تىزىمدەگى ىقپالدى مۇسىلماندار كوشىن جاقىندا نيگەريا پرەزيدەنتى بولىپ سايلانعان مۋحامماد بۋحاري باستاپ تۇر. بۋحاري سوناۋ 80-جىلداردىڭ وزىندە- اق بيلىككە ارالاسىپ، ەل ەسىندە جەمقورلىقپەن كۇرەسكەن تۇلعا رەتىندە جاتتالىپ قالعان بولاتىن. ونىڭ سول شاقتان باستاپ كۇنى بۇگىنگە دەيىن جيعان دۇنيە- مۇلكىنىڭ بولماۋى ەل ىقىلاسىن ارتتىرا تۇسۋدە.
سونداي- اق، ساۋد ارابياسىنىڭ 73- كورولى سالمان ءال- ساۋد، يندونەزيا پرەزيدەنتى دجوكو ۆيدودو، يران مەملەكەتىنىڭ سىرتقى ىستەر ءمينيسترى دجاۆاد زاريف جانە يراك پرەمەر- ءمينيسترى حايدەر ءال- ابادي سىندى مەملەكەت باسشىلارى مەن لاۋازىمدى تۇلعالار دا «الەمدەگى ەڭ ىقپالدى ادامداردىڭ» قاتارىنا جاتقىزىلىپتى.
ال، مۇسىلمان ايەلدەرىنەن بۇل تىزىمگە اۋعانستاننىڭ ءبىرىنشى حانىمى رۋلا گاني مەن نوبەل سىيلىعىنىڭ لاۋرەاتى مالالا يۋسۋفزاي ەنگىزىلگەن.