الماتىدا دانيار كەسىكبايەۆ پەن مالايزيالىق نۋريانا نادجۆانىڭ ۇيلەنۋ تويى ءوتتى - فوتو
بۇل تۋرالى Kapital.kz ىسكەرلىك اقپارات ورتالىعىنىڭ ءتىلشىسى حابارلادى.
توي راسىمدەرى قازاقتىڭ ءداستۇرلى بەتاشارىنان باستالدى. كۇيەۋ جىگىت پەن قالىڭدىقتى زاڭدى نەكەگە وتىرۋلارىمەن قۇتتىقتاۋعا ولاردىڭ قازاقستاندا جانە مالايزيادا تۇراتىن تۋعان- تۋىستارى، سونىڭ ىشىندە قىزدىڭ اكەسى - مالايزيا پرەمەر- ءمينيسترى نادجيب تۋن رازاك جۇبايىمەن بىرگە ارنايى كەلدى.
توي قوناقتارىنىڭ تىزىمىندە سونداي- اق قازاقستان پرەزيدەنتى نۇرسۇلتان نازاربايەۆ، پرەمەر- مينيستر كارىم ءماسىموۆ، الماتى قالاسىنىڭ اكىمى احمەتجان ەسىموۆ، بيزنەسمەن كەڭەس راقىشيەۆ جانە قازاقستان كاسىپكەرلەرى ۇلتتىق پالاتاسىنىڭ باسشىسى تيمۋر قۇلىبايەۆ بولدى. توي داستارحانى الدىنداعى سالتاناتتى شاراعا سونىمەن قاتار ب ا ق جەتەكشىلەرى مەن قازاقستان بلوگەرلەرى دە قاتىستى.
دانيار كەسىكبايەۆ ۇستىمىزدەگى جىلعى 20 - ناۋرىز كۇنى مالايزيا پرەمەر- ءمينيسترى نادجيب تۋن رازاكتىڭ قىزى نۋريانا نادجۆاعا ۇيلەنگەن ەدى. ۇزاتۋ تويىنىڭ سالتاناتى كۋالا- لۋمپۋرداعى رەزيدەنسيادا ءوتتى. ەكى جاس ا ق ش- تا وقىپ جۇرگەن جىلدارى تانىسىپتى. قىز ۆاشينگتونداعى دجوردجتاۋن ۋنيۆەرسيتەتىنىڭ ديپلوماتيالىق قىزمەت فاكۋلتەتىن بىتىرسە، جىگىت نيۋ- يوركتەگى كولۋمبيا ۋنيۆەرسيتەتىنىڭ تۇلەگى بولىپ تابىلادى. ولار 2011 - جىلى ءسوز بايلاسىپ، ءبىر- بىرىمەن جۇزىك الماستىرىپ قويعان ەكەن.
سۋرەت: Kapital.kz
اقپارات كوزى: egemen.kz