ماڭعىستاۋ وبلىسىندا وزدىگىنەن كوتەرىلەتىن العاشقى قازاقستاندىق «ءساتتى» بۇرعىلاۋ قوندىرعىسى شىعارىلدى - فوتو

اقتاۋ. قازاقپارات - ماڭعىستاۋ وبلىسى قۇرىق اۋىلىنداعى ەرساي قۇرىلىسىندا دوكتان «ءساتتى» وزدىگىنەن كوتەرىلەتىن جۇزگىش بۇرعىلاۋ قوندىرعىسىن شىعارۋ ءراسىمى ءوتتى.

 قۇرىلىس 2013 - جىلعى 8 - مامىردا باستالعان.

بۇل كەمە - قازاقستاندا جاسالعان العاشقى قوندىرعى.

قوندىرعى كاسپي تەڭىزىنىڭ قازاقستاندىق سەكتورىندا بۇرعىلاۋ جۇمىستارىن جۇرگىزەتىن بولادى. ەنى - 72, ۇزىندىعى - 64 مەتر. 6 مەترگە دەيىن تەرەڭدىكتى   بۇرعىلاۋعا قابىلەتتى. قۇرىلعى 3 ءۇشبۇرىشتى تىرەك باعانىمەن تۇرلەندىرىلگەن ءۇش بۇرىشتى كورپۋستان تۇرادى. ۇزىندىعى 119 مەتر، بۇل تەڭىزدىڭ 5-80 مەتر تەرەڭدىگىندە بۇرعىلاۋعا مۇمكىندىك بەرەدى. قوندىرعىدا پەرسونال تۇراتىن ورىن، تىكۇشاق الاڭى كوزدەلگەن. كونسترۋكتسيانىڭ جالپى سالماعى 10 مىڭ 800 توننا.

قوندىرعى قۇرىلىسىنا تاپسىرىس بەرگەن  KMG Drilling & Services («تەڭىز بۇرعىلاۋ» ج ش س 2014 - جىلعى 30 - مامىرعا دەيىن) . قۇرىلىسىن استانا ق. 2012 - جىلعى 5 - شىلدەدە قول قويىلعان كەلىسىمشارت نەگىزىندە «ەرساي كاسپيان كونتراكتور» جانە Caspian Offshore & Marine Construction LLP كومپانيالارىنىڭ كونسورتسيۋمى ورىندادى.

«قاشاعان ورنالاسقان سولتۇستىك كاسپي اسا تەرەڭ ەمەس، وندا «جامبىل» بارجاسى جۇمىس ىستەيدى، ال « ءساتتى» باۋتينو اۋداندارىندا تەڭىزدىڭ تۇڭعيىق تەرەڭدىگىندە جۇمىس ىستەۋگە مۇمكىندىك بەرەدى. تەرەڭدىگى 40 مەترگە جەتەتىن يران سەكتورىندا دا بۇرعىلاۋ جۇمىستارىن جۇرگىزە الادى. تۇتاستاي قازاقستاندا جاسالعان العاشقى بارجا».

وسى قۇرىلعىنىڭ ارقاسىندا كاسپيي تەڭىزىندەگى ءوز سەكتورىمىزدى بارلاۋ، يگەرۋ باعدارلاماسىن جۇزەگە اسىرۋعا، قازاقستانداعى تەڭىزدىك بۇرعىلاۋدى دامىتۋدا بارىنشا ءىرى جوبالاردى ىسكە اسىرۋعا مۇمكىندىگىمىز بولادى دەگەن ۇمىتتەمىز»، - دەدى سالتاناتتى راسىمدە ماڭعىستاۋ وبلىسى اكىمىنىڭ ورىنباسارى ر. ءامىرجانوۆ.