ەلباسى: تۇركيا - تاۋەلسىزدىگىمىزدى ەڭ ءبىرىنشى بولىپ تانىعان تۇركياعا قازاق حالقىنىڭ قۇرمەتى ەرەكشە
بۇل تۋرالى بۇگىن اقوردادا ەلىمىزگە العاشقى مەملەكەتتىك ساپارمەن كەلگەن تۇركيا پرەزيدەنتى رەدجەپ ەردوعانمەن جوعارى دەڭگەيدەگى ستراتەگيالىق ىنتىماقتاستىق كەڭەسىنىڭ ەكىنشى وتىرىسىن وتكىزگەننەن كەيىنگى بىرلەسكەن مالىمدەمەدە ەلباسى نۇرسۇلتان نازاربايەۆ ايتتى.
«باۋىرلاس تۇركيا مەملەكەتىنىڭ پرەزيدەنتى رەدجەپ تايىپ ەردوعانعا شاقىرۋىمدى قابىل العانى ءۇشىن وسى ساپارىنا كوپ ريزاشىلىعىمدى بىلدىرەمىن. ەردوعان مىرزا پرەزيدەنت لاۋازىمىندا قازاقستانعا تۇڭعىش مەملەكەتتىك ساپار جاساپ وتىر. بۇل ساپار ستراتەگيالىق سەرىكتەستىكتىڭ جاڭا پاراعىن اشتى دەپ ايتۋعا بولادى»، - دەدى ق ر پرەزيدەنتى.
مەملەكەت باسشىسىنىڭ اتاپ وتۋىنشە، تاۋەلسىزدىگىمىزدى ەڭ ءبىرىنشى بولىپ تانىعان باۋىرلاس تۇركياعا قازاقستان حالقىنىڭ قۇرمەتى ەرەكشە.
«بۇگىندە ءبىز قازاق حاندىعىنىڭ 550 -جىلدىعىن اتاپ وتەيىك دەپ وتىرمىز. سوندىقتان، تۇركيا باسشىسىنىڭ بۇل ساپارىنىڭ سيمۆولدىق ءمانى بار. تۇركيا - قازاقستاننىڭ ەڭ جاقىن، سەنىمدى ساياسي جانە ەكونوميكالىق ارىپتەسىنىڭ ءبىرى. ورتاق تاريحي تامىردان ءنار الاتىن بايىرعى بايلانىستارىمىز قازىر ستراتەگيالىق سيپات الىپ وتىر»، - دەدى ق ر پرەزيدەنتى .
اۆتور: مارلان جيەمباي