استانادا دومبىراشىلار «ەلىم دەپ سوعادى جۇرەگىم» فلەشموبىن وتكىزدى
شارانىڭ ماقساتى - ۇلتتىق ونەرىمىزدى دارىپتەۋ ارقىلى جاستاردى پاتريوتتىققا تاربيەلەۋ جانە ۇلتتىق قۇندىلىقتارىمىزدى دامىتۋ بولدى. وندا ونەرپازدار فلەشموب تاقىرىبىن بەينەلەيتىن قازاقتىڭ ايگىلى اسەم كۇيلەرىن بىرىنەن سوڭ ءبىرىن توگىلتتى.
اكسيا كەشەنگە كەلۋشىلەر ءۇشىن كۇتپەگەن وقيعا بولدى. جۇرتشىلىق مۋزىكانتتارعا قاراپ، وزدەرىنىڭ تاڭدانىستارىن جاسىرماسا دا، بالالىق شاقتان تانىس ۇلتتىق سازدار وينالعاندا مۋزىكانىڭ اۋەنىنە ىلەسىپ، قول شاپالاقتاي باستادى.
«ۇلتتىق كۇيلەرىمىزدى تىڭداعاندا مەن قاتتى قۋاندىم. قالامىزدا وسىنداي پاتريوتتىق فلەشموبتاردى ۇيىمداستىرۋ وتە جاعىمدى شارا. ءبىز، اسىرەسە، جاستار ۇلتتىق اۋەندەرىمىزدى ءجيى تىڭداپ تۇرۋىمىز كەرەك»، - دەدى قالا تۇرعىنى باعلان ەرلانوۆ.
وسىلايشا، استانا قالاسىنىڭ نازاربايەۆ زياتكەرلىك مەكتەبىنىڭ دومبىراشىلار وركەسترىنىڭ ورىنداۋىنداعى قازاقتىڭ اڭىزعا اينالعان كۇيلەرى ساۋدا ۇيىنە كەلۋشىلەردىڭ قۇلاعىنىڭ قۇرىشىن قاندىردى.