قىتايدا «قازاق كۇرەسى» قوعامدىق بىرلەستىگى قۇرىلدى

استانا. قازاقپارات - ءساۋىردىڭ 12 سى كۇنى ق ح ر ىلە قازاق اۆتونوميالى وبلىسىنىڭ ورتالىعى قۇلجا قالاسىندا «ىلە قازاق كۇرەسى قوعامدىق بىرلەستىگىنىڭ» قۇرىلۋ ءراسىمى ءوتتى. سالتاناتتى شاراعا وبلىسقا قاراستى 3 ايماقتاتىڭ 22 اۋدانى مەن وبلىسقا تىكە قاراستى قالالاردان قازاق سپورتىنا ۇلەس قوسىپ جۇرگەن سپورتشىلار مەن زيالى قاۋىم وكىلدەرى قاتىستى. بىرلەستىك ءتوراعالارى سايلانىپ، قۇتتىقتاۋلار ايتىلدى.

بۇعان دەيىن وبلىس كولەمىندە مۇنداي بىرلەستىك بولماعان. قىتايداعى قازاق كۇرەسى توي- تومالاق پەن اۋدان- اۋىل كولەمىنەن اسا الماي جۇرگەن-دى. اتالمىش بىرلەستىك كۇنەس اۋدانىنداعى «قازاقشا كۇرەس» قوعامىنان باستاۋ الىپ وبىلىستىق دەڭگەيگە كوتەرىلىپ وتىر. بىرلەستىكتىڭ قاجىرلاندىرۋ ماسەلەلەرىن ۇلتقا جانە ۇلتتىق سپورتقا جانكۇيەر ازاماتتار اينالىسادى ەكەن.

بىرلەستىك ءتوراعاسىنىڭ ورىنباسارى نۇرلان داۋلەتحان ۇلى ايتۋىنشا: «بۇل بىرلەستىكتىڭ قۇرىلۋ ماقساتى وبىلستاعى قازاق سپورتىن دامىتۋ. ونىڭ ىشىندە قازاق كۇرەسىن قىتايدىڭ ەل ءىشى جانە حالىقارالىق دارەجەگە جەتكىزىپ، ءارى قاراي وليمپيادالىق دەڭگەيگە كوتەرۋ» ەكەن.

«قامشى- اقپارات»