بۇكىل الەمدىك «بەيبىتشىلىك» سىيلىعىن يەلەنگەن تۇڭعىش مۇسىلمان فەتحۋللاح گۇلەن

استانا. قازاقپارات - بيىل ا ق ش- تىڭ اتلانتا قالاسىندا وتكەن «الەم بەيبىتشىلىگىنە» قىزمەت ەتكەن تۇلعالاردى ماراپاتتاۋ راسىمىندە تۇڭعىش مۇسىلمان ۇلىنا ماحاتما گاندي اتىنداعى «بەيبىتشىلىك» سىيلىعى تابىستالدى.

بۇل تۋرالى «قامشى» پورتالى Samanyolu Haber گە سىلتەمە جاساي وتىرىپ حابارلايدى.

"Gandi-King-Ikeda" بەيبىتلىشىك سىيلىعى بيىل تۇركيالىق يسلام ويشىلى فەتحۋللاح گۇلەنگە بەرىلگەن.

ءداستۇرلى بەيبىتشىلىك سىيلىعىن تابىستاۋ ءراسىمى Morehouse كوللەدجىنىڭ Martin Luther King عىلىم ورتالىعىندا قۇرمەتتى قوناقتار مەن عالىمداردىڭ قاتىسۋىمەن وتكەن. اتالمىش جوعارى مارتەبەلى سىيلىق بۇعان دەيىن «الەم بەيبىتشىلىگىنە» قىزمەت ەتكەنى ءۇشىن ميحايل گورباچيەۆقا، نەلسون ماندەللا مەن دەموند تۋتۋعا بەرىلگەن.

ا ق ش- تىڭ اتلانتا قالاسىندا ورنالاسقان Morehouse كوللەدجىنىڭ دوكتورى، پروفەسسور لاۋرەنس كارتەر، اتالمىش سىيلىق مۇسىلمان ازاماتتارى اراسىنان تۇڭعىش بولىپ فەتحۋللاح گۇلەنگە بەرىلگەنىن ايتتى.

«بۇگىن، ءبىز يسلام ويشىلى، الەمدىك دەڭگەيدەگى فيلوسوف، بۇكىل الەمگە يسلامنىڭ بەيبىتشىكىتى ناسيحاتتايتىن ءدىن ەكەنىن ناسيحاتتاپ كەلە جاتقان، جاھاندىق بەيبىتشىلىككە وراسان زور ۇلەسىن قوسىپ، 2001 -جىلعى 11 -قىركۇيەكتەگى ورىن العان قاسىرەتكە قاتىستى ءوزىنىڭ ويلارىن اشىق ايتىپ، يسلام ءدىنى ارقىلى الەمدەگى بەيبىتشىلىكتىلىكتى دارىپتەپ جۇرگەن ازامات فەتحۋللاح گۇلەنگە بەرىپ وتىرىمىز»، - دەگەن پروفەسسور لاۋرەنس كارتەر مىرزا.

 «ءبىز بۇل جوعارى ماراپاتتى فەتحۋللاح مىرزاعا بەرۋدى ءجون دەپ تاپتىق. سەبەبى، ول جاھاندى جالماعان تەرروريزممەن جيھاد ۇعىمىنا قارسى كۇرەسىپ كەلەدى. قانشاما جازىقسىز ادامداردىڭ ومىرلەرىن قيعان جيھادشىلاردىڭ دەگەندەرىن تەرىسكە شىعارىپ، يسلامنىڭ قاتىگەز ءدىن ەمەس، بەيبىتشىل ءدىن ەكەنىن دالەلدەۋمەن كەلەدى.

ءبىز ماقتان ەتەمىز، سەبەبى فەتحۋللاح مىرزا ادامگەرشىلىك قۇندىلىقتاردىڭ ادام ومىرىندەگى ماڭىزدىلىعىن جەتكىزدى. ءبىز ونى ماقتان ەتەمىز، سەبەبى، ول ناسىلشىلدىك، ەر مەن ايەل اراسىنداعى كەرەعار تۇسىنىكتەر، ەتنيكالىق جىككە بولىنۋشىلىك، ماتەريالدىق دەڭگەيگە بولىنۋشىلىك، ديسكريميناتسيا، ۇلتقا بولىنۋشىك ت. س. س. سىرەسكەن مۇزداي ۇعىمداردىڭ يسلامدا جانە الەمدىك بەيبىتشىلىك جولىندا كەدەرگى بولمايتىنىن جەتكىزدى.

سوندىقتان، مەن فەتحۋللاح مىرزا اسا زور ىقىلاسپەن اتالمىش جوعارى مارتەبەلى سىيلىقتى تابىستاعىم كەلەدى. ءسىزدىڭ ويلارىڭىز، الەم حالىقتارىن بەيبىتشىلىككە ۇندەۋدە وتە ماڭىزدى ءرول اقتارادى. ءسىزدى ماحاتما گاندي، كينگ جانە لكەدالاردىڭ ءىزىن جالعاستىرۋشى دەپ تانيمىز»، - دەدى ماراپاتتاۋ راسىمىندە پروفەسسور لاۋرەنس كارتەر مىرزا.

نۇرگەلدى ءابدىعاني ۇلى

«قامشى» سىلتەيدى