سەمەيدە قازاقستان اسكەرىنىڭ جەكە تاماقتانۋ راتسيونىنا ارنالعان ورام شىعارىلا باستادى
15:46, 13 - ءساۋىر 2015
وسكەمەن. قازاقپارات - سەمەي قالاسىنىڭ ەت- كونسەرۆى كومبيناتىندا قازاقستان اسكەرىنىڭ جەكە تاماقتانۋىنا راتسيونىنا ەنگەن، قۇرامىندا 12 ازىق- تۇلىك بار ورامدار شىعارىلا باستادى.
ەت كومبيناتىنىڭ ديرەكتورى جانبولات جامانعالىنوۆتىڭ ايتۋىنشا، جەكە تاماقتانۋ پاكەتتەرى - ەت كومبيناتىنىڭ جۋىردا عانا شىعارىلعان جاڭالىعى.
«ءبىز جەكە تاماقتانۋ راتسيونىنا ارنالعان ورامداردى تەك، وتاندىق شيكىزات پەن وتاندىق ازىق- تۇلىكتەردىڭ نەگىزىندە شىعارۋعا تىرىسامىز» ، - دەدى ول.
ازىق- تۇلىكتەر جيىنتىعىنا: تاڭەرتەڭگى اس، تۇسكى اس جانە كەشكى استا تۇتىناتىن تاعامدار ەنگەن. وندا بۇقتىرىلعان سيىر ەتى كونسەرۆىلەرى، ەت كونسەرۆىسىنىڭ ءتۇر- ءتۇرى، گالەت، كوكونىس كونسەرۆىلەرىنىڭ ءتۇر- ءتۇرى، باۋىردان جاسالعان پاشتەت، پوۆيدلو، شاي، قانت جانە ت. ب ەنگىزىلگەن. سونىمەن قاتار، ىرىمشىك، قويىلتىلعان ءسۇت، قاقتالعان ازىق- تۇلىك، شوكولاد، جاڭعاق، تابيعي كوفە جانە ت. ب. كىردى.