شارانىڭ باستى كەيىپكەرلەرى وتاندىق كينو، سپورت جانە ونەر جۇلدىزدارى بولماق، - دەپ حابارلايدى «جەتىنشى ارنا».
تانىمال جۇلدىزدارمەن بىرگە سۋرەتكە ءتۇسۋ ءۇشىن بيلەت ساتىپ الۋى كەرەك. «بيلەت قۇنى شامامەن 2000 تەڭگە كولەمىندە بولادى. كەلۋشىلەرگە تەگىن تاعامدار مەن الكوگولسىز سۋسىندار ۇلەستىرىلەدى»، - دەيدى شارانى ۇيىمداستىرۋشى گۇلدانا تەمىرحان.
ۇيىمداستىرۋشىلار «سەلفي كۇنىنىڭ» ناقتى باعدارلاماسى مەن قاتىسۋشى جۇلدىزداردىڭ ءتىزىمىن ناقتى بەكىتپەگەنىن ايتتى. دەگەنمەن، «مۋزارت» توبىنىڭ انشىلەرى، بالەت ءارتىسى دوسجان تابىلدى، ءانشى رينات مالساگوۆ پەن تەلەجۇرگىزۋشى ايگۇل مۇكەيدىڭ شاراعا كەلەتىندەرىن ايتتى.
ۇيىمداستىرۋشىلاردىڭ ايتۋىنشا، جينالعان قاراجات «ميلوسەرديە» قايىرىمدىلىق قورىنا جىبەرىلەدى. «سەلفي كۇنىندە» ادامدار وزدەرى قالاعان جۇلدىزدارمەن كەزدەسىپ، سۋرەتكە تۇسە الادى. سەلفي ءتۇسىرۋ قازىر ساندە.
دەگەنمەن، كەلۋشىلەر بيلەت ساتىپ الۋ ارقىلى ەمدەلۋگە مۇقتاج بالالارعا كومەكتەسسە كەرەمەت بولار ەدى»، - دەيدى قوردىڭ ديرەكتورى ارۋجان ساين.
«سەلفي كۇنىن» ءداستۇرلى شارا قىلىپ قالدىرىلا ما، جوق پا، ونى ۇيىمداستىرۋشىلار ءالى شەشكەن جوق. «كەلەسى جىلى «ءوزىن- ءوزى سۋرەتكە ءتۇسىرۋ» ساننەن شىعىپ قالۋى دا مۇمكىن عوي»، - دەدى ولار.