كانديداتتاردىڭ ۇگىت جۇمىستارىندا ەش زاڭ بۇزۋشىلىق ورىن العان جوق
وسى رەتتە «قازاقپارات» ق ر ورتالىق سايلاۋ كوميسسياسىنىڭ حاتشىسى باقىت مەلدەشيەۆتى سۇحباتقا تارتىپ، سايلاۋ بارىسى جايىندا ءبىرقاتار جايتقا قانىققان بولاتىن.
- باقىت سارسەنباي ۇلى، كانديداتتاردىڭ ۇگىت ناۋقانى قالاي ءجۇرىپ جاتىر، قانداي دا ءبىر زاڭ بۇزۋشىلىقتار تىركەلگەن جوق پا؟
- ب ا ق- تارعا تەڭ قول جەتكىزىلۋىنە مەملەكەتتىڭ كەپىلدىكتەرىن ورىنداۋ ماقساتىندا ورتالىق سايلاۋ كوميسسياسى ءاربىر كانديداتتىڭ تەلەديداردان ون بەس مينۋتتىق ءسوز سويلەۋىنە، راديودان ون مينۋتتىق ءسوز سويلەۋىنە، سونداي-اق باسپا باسىلىمدارىندا 0,1 باسپا تاباقتان اسپايتىن كولەمدە ەكى ماقالا جاريالاۋىنا بيۋجەتتەن 7 ميلليون 10 مىڭ تەڭگە مولشەرىندە قاراجات بولىنەتىنىن بەلگىلەگەن بولاتىن.
سونىمەن قاتار، ءاربىر كانديدات 577 ميلليون تەڭگە مولشەرىندە ءوز سايلاۋ قورىن قۇرا الادى ءارى سول قاراجاتتان ۇگىت ناۋقانىنا جۇمساي الادى.
سايلاۋ الدىنداعى ۇگىت بارىسىندا سايلاۋ زاڭناماسى نورمالارىنىڭ ساقتالۋىن قامتاماسىز ەتۋ ماقساتىندا ورتسايلاۋكوم بايلانىس، اقپاراتتاندىرۋ جانە اقپارات كوميتەتىمەن بىرلەسىپ، ب ا ق- قا مونيتورينگ جۇرگىزەدى.
ازىرشە، كانديداتتاردىڭ ۇگىت ناۋقانى بارىسىندا ايتارلىقتاي بۇزۋشىلىقتار بايقالعان جوق. بارلىق كانديداتتارعا ب ا ق- قا تەڭ قول جەتكىزۋ قامتاماسىز ەتىلەدى. وزدەرىڭىز دە كورىپ وتىرعانداي، ۇگىت جۇمىسى ەداۋىر بەلسەندى ءجۇرىپ جاتىر.
- قانشا بايقاۋشى جۇمىسقا كىرىستى جانە ولاردان قانداي دا ءبىر شاعىمدار مەن ۇسىنىستار ءتۇسىپ جاتىر ما؟
- 2015-جىلعى 6- ساۋىردەگى جاعداي بويىنشا ورتسايلاۋكوم حالىقارالىق ۇيىمداردىڭ ءۇش ميسسياسىنان (ە ق ى ۇ/د ي ا ق ب، ت م د جانە ش ى ۇ)، ءبىر حالىقارالىق ۇيىم (تۇركى تىلدەس مەملەكەتتەر ىنتىماقتاستىعى كەڭەسى) مەن 27 شەت مەملەكەتتەن 337 بايقاۋشىنى اككرەديتتەدى. سونىمەن قاتار قازاقستان رەسپۋبليكاسى سىرتقى ىستەر مينيسترلىگى 19 مەملەكەتتەن بۇقارالىق اقپارات قۇرالدارىنىڭ 98 وكىلىن اككرەديتتەلگەنى بەلگىلى. شەت مەملەكەتتەر مەن حالىقارالىق ۇيىمداردىڭ بايقاۋشىلارىن اككرەديتتەۋدى ورتسايلاۋكوم 2015-جىلعى 20- ساۋىرگە دەيىن جۇرگىزەدى.
بۇل سان ءالى دە ءبىرشاما وسەدى دەپ ويلايمىن، ويتكەنى داۋىس بەرۋ كۇنىنە قاراي ميسسيالاردىڭ قىسقا مەرزىمدى بايقاۋشىلارى، سونداي-اق شەت مەملەكەتتەردىڭ وكىلدەرى كەلەدى. ءبىز بارلىق ميسسيالارمەن جانە ساراپشىلارمەن تىعىز بايلانىستا جۇمىس جاسايمىز. ازىرشە بىزگە ولاردان قانداي دا ءبىر شاعىمدار كەلىپ تۇسكەن جوق.
- سايلاۋ كوميسسيالارىنىڭ جۇمىسى تۋرالى نە ايتا الاسىز؟
- 5- ساۋىردەن باستاپ حالىقتى ەسەپكە الۋ ورگاندارىنىڭ مالىمەتتەرى نەگىزىندە اكىمدىكتەر جاساعان سايلاۋشىلار ءتىزىمى ۋچاسكەلىك سايلاۋ كوميسسيالارىنا بەرىلدى.
10- ساۋىردەن باستاپ تىزىمدەر ۋچاسكەلىك سايلاۋ كوميسسيالارىنىڭ ءۇي-جايىندا سايلاۋشىلارعا تانىسۋ ءۇشىن ۇسىنىلادى. سايلاۋشىلار ءوزى تۋرالى ەنگىزىلگەن دەرەكتەردىڭ راستىعىن ءوزىنىڭ تىركەلگەن جەرى بويىنشا سايلاۋ ۋچاسكەسىندەگى تىزىمنەن تەكسەرە الادى.
دالسىزدىكتەر جىبەرىلگەن نەمەسە سايلاۋشىلار تىزىمىنە ەنگىزىلمەگەن جاعدايدا، سايلاۋشى ۋچاسكەلىك سايلاۋ كوميسسياسىنا وتىنىشپەن جۇگىنە الادى، سايلاۋ كوميسسياسى ونى ءوتىنىش تۇسكەن كۇنى قارايدى.
قازىر ۋچاسكەلىك سايلاۋ كوميسسيالارى وسى جۇمىسپەن، سونىمەن قاتار داۋىس بەرۋ كۇنىنە دايىندىقپەن اينالىسۋدا. ويتكەنى وسى جاۋاپتى كۇنى ولاردىڭ جۇمىلا اتقارىلعان جۇمىسىنا كوپ نارسە بايلانىستى.
سايلاۋ ورگاندارىنىڭ باستى مىندەتى - بارلىق سايلاۋ راسىمدەرىنىڭ سايلاۋ زاڭناماسىنىڭ تالاپتارىنا قاتاڭ سايكەس جۇرگىزىلۋىن قامتاماسىز ەتۋ.
- سۇحباتىڭىزعا راحمەت!
اۆتور: مارلان جيەمباي