قىتاي قازاقتارى الەمدەگى ەڭ ۇلكەن كيىز ءۇي تىكتى - كەسكىن
قىتاي جۋرناليستەرى جارىسا جازعان جاڭالىقتارعا سۇيەنسەك، شىنجاڭنىڭ موري اۋدانىندا تىگىلگەن كيىز ءۇيدىڭ جالپى كولەمى 1175 m²، بيىكتىگى 18,5 مەتر بولىپ، كۇلدىرەۋىشتەن باسقۇرعا دەيىن 13,5 مەتردى قۇراعان. كەرەگەسىنىڭ بيىكتىگى 5 مەتر، ۋىقتىڭ ۇزىندىعى 6 مەتر بولعان الىپ اق وردانىڭ شاڭىراعىنىڭ ديامەترى 8,5 مەتر ەكەن.
ال، تازا اعاشتان جاسالعان كيىز ءۇيدىڭ تورىنە سالىنعان سىرماقتىڭ ديامەترى 32 مەتر، اينالما ۇزىندىعى 101 مەتر ۇزىندىقتا بولىپ جالپى كولەمى 803,8 m²- ءدى قۇراعان. وعان 2000 ادام مالداس قۇرىپ وتىرۋعا بولادى.
موري اۋداندىق ۇكىمەتىنىڭ قولداۋىمەن سونداعى «مەرۋەرت» كەستەشىلىك كوپەراتيۆى شەبەرلەرىنىڭ قولىنان شىققان كيىز ءۇي مەن سىرماقتى دايىنداۋعا 5 ميلليون يۋاننان (شامامەن 850 مىڭ ا ق ش دوللارى) اسا قاراجات جۇمسالعان. «مەرۋەرت» كەستەشىلىك كوپەراتيۆىنىڭ باسشىسى ازات ابەي ۇلىنىڭ ايتۋىنشا تەك سىرماقتى تىگۋگە 32 ادام 3 اي ۋاقىت جۇمساعان.