تيمۋر قۇلىبايەۆ ۇلتتىق بانك قىزمەتىن سىنعا الدى
بۇل تۋرالى ول الماتىدا وتكەن پالاتانىڭ وڭىرلىك كەڭەسىندە مالىمدەدى. باس قوسۋدا ۇلتتىق كاسىپكەرلەر پالاتاسىنىڭ داعدارىسقا قارسى ازىرلەگەن شارالارى باياندالدى.
بارلىق دەڭگەيدەگى لاۋازىمدى تۇلعالاردىڭ قاتىسۋىمەن وتكەن جيىندا الماتىداعى بيزنەس وكىلدەرىنىڭ كوكەيىندە جۇرگەن ماسەلەلەر دە تىڭدالدى. الماتىلىق كاسىپكەرلەر كوبىنە تەڭگەنىڭ وتىمدىلىگى تومەندىگىن، ءتىپتى تەڭگەنىڭ جوقتىعىن جانە نەسيە پايىزىن ارزانداتۋ ماسەلەسىن كوتەردى.
تيمۋر قۇلىبايەۆ بۇل سۇراقتاردى ەلىمىزدىڭ بارلىق وڭىرىندەگى كاسىپكەرلەر ءجيى قوياتىنىن ايتىپ، ۇلتتىق بانك وكىلىنەن جاۋاپ تالاپ ەتتى.
كەشىرىڭىزدەر، ءبىز وتەمدىلىكتى ۇلتتىق بانكتەن الماعاندا، قايدان الامىز؟ قالا اكىمى مەن كاسىپكەرلەر ساۋدا وتەمدىلىگى تۋرالى سۇراق قويادى.
«سىزدەر ەلدەگى بۇكىل ۇزاق وتەمدىلىكتى جيناقتادىڭىزدار. سىزدەردە ءبىرتۇتاس جيناقتاۋشى زەينەتاقى قورى جانە ۇلتتىق قور - بۇكىل وتەمدىلىك سىزدەردىڭ قولدارىڭىزدا. كەشىرىڭىزدەر، ءبىز وتەمدىلىكتى ۇلتتىق بانكتەن الماعاندا، قايدان الامىز؟ قالا اكىمى مەن كاسىپكەرلەر ساۋدا وتەمدىلىگى تۋرالى سۇراق قويادى. ۇلتتىق بانك وتەمدىلىك پايدا بولۋى ءۇشىن، قانداي دا ءبىر امالدار قابىلداي الا ما؟»، - دەدى ۇلتتىق كاسىپكەرلەر پالاتاسىنىڭ ءتورالقا ءتوراعاسى تيمۋر قۇلىبايەۆ.
قۋات قوجاحمەتوۆ ءوز كەزەگىندە جۇمىستار جاسالىپ جاتقانىن ايتتى. ءبىراق نەسيەلەۋ ۇلتتىق بانكتىڭ مىندەتى ەمەس دەدى.
«ءبىز قازىردىڭ وزىندە ارالاسىپ كەتتىك، ارزان نارىق ۇسىنىپ وتىرمىز. ۇزاق مەرزىمدى قوماقتى قارجىلاندىرۋدى ىسكە اسىرىپ جاتىرمىز. ءبىراق، تاعى دا ايتامىن، ۇزاق مەرزىمگە قوماقتى قارجى بەرۋ - بۇل ۇلتتىق بانكتىڭ مىندەتى ەمەس»، - دەدى ۇلتتىق بانكى ءتوراعاسىنىڭ ورىنباسارى قۋات قوجاحمەتوۆ.
تاعى دا ايتامىن، ۇزاق مەرزىمگە قوماقتى قارجى بەرۋ - بۇل ۇلتتىق بانكتىڭ مىندەتى ەمەس.
فورۋمنىڭ قورىتىندىسى بويىنشا الماتىدا «كاسىپكەرلەرگە قىزمەت كورسەتۋ ورتالىعى» اشىلدى. ورتالىقتا 10 باعىت بويىنشا بيزنەسمەندەرگە قىزمەت كورسەتىلەدى. بۇل بۋحگالتەرلىك قىزمەت، سالىقتىق ەسەپ، ماركەتينگ، كەدەندىك كەڭەس بەرۋ جانە تاعى دا باسقا كاسىپكەرلەرگە كومەك.
قىزمەت كورسەتۋ ورتالىعىندا ءار ادام قالاعان بيزنەسىن اشۋعا جانە جۇرگىزۋگە قاتىستى بارلىق كەڭەستەردى الا الادى. ۇلتتىق كاسىپكەرلەر پالاتاسى بولاشاقتا وسىنداي 18 كاسىپكەرلەرگە قىزمەت كورسەتۋ ورتالىعىن اشۋدى جوسپارلاپ وتىر.
«استانا تەلەارناسى»