قىتايدا ۇيعىر جانە تيبەت تىلدەرىندەگى قولجازبالار قارپىنە ارنالعان موبيلدىك قوسىمشا جاسالدى
10:42, 02 - ءساۋىر 2015
بەيجىڭ. قازاقپارات - ق ح ر شانشي پروۆينتسياسىنداعى شيان ۋنيۆەرسيتەتىنىڭ ماماندارى ۇيعىر جانە تيبەت تىلدەرىندەگى ماتىندەردى قولجازبا ۇلگىسىندە تەرۋگە ارنالعان موبيلدىك قوسىمشا جاساپ شىعاردى. بۇل تۋرالى «شينحۋا» حابارلايدى.
باعدارلامالىق ءونىم جەتى جىل زەرتتەلىپ، جاسالدى. جۇمىسقا ۇيعىر جانە تيبەت ۇلىستارىنىڭ 200 گە جۋىق مۇعالىمى مەن ستۋدەنتتەرى قاتىستىرىلعان.
قازىرگى ۋاقىتتا قوسىمشانىڭ موبيلدىك قۇرىلعىلارعا ارنالعان Android نۇسقاسىن باقىلاۋ جۇرگىزىلىپ جاتىر.