Tofight.ru حابارلاعانداي، 30 جاستاعى پروكسا تاياۋ كۇندەرى گولوۆكيننىڭ جاتتىعۋ لاگەرى ورنالاسقان كاليفورنياعا اتتانادى. پولياك سپورتشىسى دا گولوۆكيننىڭ كەلەسى قارسىلاسى كىشى مونرو سياقتى سولاقاي بوكسشى.
ەستەرىڭىزگە سالا كەتەيىك، گجەگوج پروكسا گەننادي گولوۆكينمەن كاسىبي شارشى الاڭدا كەزدەسكەن. 2012-جىلدىڭ قىركۇيەك ايىندا ن ۆ و تەلەارناسىنداعى دەبيۋتىنىڭ اياسىندا گولوۆكين پروكسانى بەسىنشى راۋندتا نوكاۋتقا جىعىپ، جەڭىسكە جەتكەن.
ال گولوۆكين مەن كىشى مونرو اراسىنداعى جەكپە-جەك 16- مامىر كۇنى لوس-اندجەلەستە وتەدى. ول ن ۆ و تەلەارناسىنان تىكەلەي ەفير ارقىلى كورسەتىلەدى. قازاقستاندىق سپورتشى ءۇشىن بۇل 2015-جىلداعى ەكىنشى جەكپە-جەگى بولماق. اقپان ايىندا گولوۆكين بريتاندىق مارتين ميۋررەيدىڭ تىزەسىن بۇكتىرگەن بولاتىن.