بىلىكتى ماماندارسىز تۋريزمدى دامىتۋ مۇمكىن ەمەس - ا. ەسىموۆ
وقۋ ورنى وتكەن جىلى «الماتى مەملەكەتتىك تەحنولوگيا مەن مەنەدجمەنت كوللەدجى» دەگەن اتاۋىن وزگەرتىپ، «تۋريزم جانە قوناقجايلىلىق يندۋسترياسى كوللەدجى» اتانعان بولاتىن.
قالا باسشىسى الدىڭعى قاتارلى يننوۆاتسيالىق قوندىرعىلارمەن جابدىقتالعان وقۋ- وندىرىستىك شەبەرحانالار مەن زەرتحانالاردى ارالاپ كوردى.
كەيىن كوللەدج ۇجىمى الدىندا سويلەگەن سوزىندە احمەتجان ەسىموۆ الماتىنىڭ تۋريستىك كلاستەرىن دامىتۋ جونىندەگى تۇجىرىمدامانى جۇزەگە اسىرۋدا بۇل وقۋ ورنىنىڭ ءرولى ۇلكەن ەكەندىگىن اتاپ ءوتتى جانە كوللەدج باسشىلىعىنا ءبىلىم بەرۋدىڭ دۋالدى جۇيەسىن بارىنشا تولىق پايدالانۋدى، ستۋدەنتتەردى جۇمىسقا ورنالاستىرۋدا بار تاجىريبەنى ودان ءارى جەتىلدىرۋدى تاپسىردى.
«ءبىز ءوز مۇمكىندىكتەرىمىزگە قاراساق، تۋريزمنەن تۇسەتىن تابىس ەكسپورتقا شيكىزات شىعارۋدان تۇسەتىن تابىستى وڭاي الماستىرا الادى. بۇل جەردە اتاقتى ەۋروپالىق شيپاجايلاردى مىسالعا الۋعا بولادى. الدا بولاتىن ۋنيۆەرسيادا، سونىمەن قاتار تاۋ شاڭعىسى تۋريزمىن دامىتۋ جوسپارلارى بىزگە باسەكەگە قابىلەتتى مامانداردىڭ كوپتكەپ كەرەك ەكەندىگىن كورسەتىپ وتىر»، - دەدى احمەتجان ەسىموۆ.
مەگاپوليس باسشىسى الماتىعا كەلەتىن شەتەلدىك تۋريستەر سانىنىڭ 2014 - جىلدىڭ ەكىنشى جارتىسىندا ەكى ەسەگە نەمەسە 137 پايىزعا ارتقانىن، بۇعان 10 ەلدىڭ ازاماتتارىنا قازاقستانعا رۇقساتناماسىز كەلۋگە جول اشىلۋى ارقاسىندا قول جەتىپ وتىرعانىن اتاپ ءوتتى.
ءوز كەزەگىندە كوللەدج باسشىلىعى مەن سەرىكتەستەرى وقۋشىلارعا ساپالى كاسىبي ءبىلىم بەرۋ دەڭگەيىنىڭ وتە جوعارى ەكەندىگىن، ءبىلىم بەرۋدىڭ زاماناۋي باعدارلامالارى ارقاسىندا تۇلەكتەردىڭ ءجۇز پايىزى جۇمىسپەن قامتىلاتىنىن جەتكىزدى. كوللەدج ءبىلىم بەرۋدىڭ دۋالدى جۇيەسىن ەنگىزە وتىرىپ، وقۋشىلارعا وندىرىستىك تاجىريبەدەن وتۋگە كەڭ مۇمكىندىك بەرۋدە. سونىڭ ارقاسىندا وقۋ بىتىرگەن ستۋدەنتتەردىڭ كوپشىلىگى ۇزدىك الماتىلىق قوناقۇيلەر مەن مەيمانحالارعا جۇمىسقا ورنالاسسا، ال كەيبىرەۋلەرى ءوز ىستەرىن اشۋدا.
اۆتور: جاپپاربەرگەن ايبوتا