قازاقستاندا جاسالعان: وتاندىق ازىق- تۇلىك ونىمدەرى دۋباي تۇرعىندارىنىڭ زور قىزىعۋشىلىعىن تۋدىردى - فوتو
قازاقستاندىق كومپانيالاردىڭ امىرلىكتەردە جانە تاياۋ شىعىستاعى ءبىرىنشى «روۋد- شوۋىنا» قاتىساتىنىن 20 دان استام جەتەكشى قازاقستاندىق ازىق- تۇلىك ونىمدەرىن شىعارۋشىلار راستادى، ولاردىڭ اراسىندا «سەسنا- استىق» كونسەرنى، «سۇلتان» ماكارون فابريكاسى، «ماسلودەل»، «باتىس پرودۋكت» ، «اگرو پرودۋكت»، «مارسەل»، «IBS Group» جانە تاعى باسقالارى بار.
بىرىككەن اراب امىرلىكتەرىندەگى ق ر ەلشىلىگىنىڭ قولداۋىمەن اكسيانى وتكىزۋ امىرلىكتەر مەن ايماقتا ايگىلى بولىپ تابىلاتىن «LuLu» بولشەك ساۋدا جەلىسىنىڭ باسشىلىعىمەن كەلىسىلدى.
«قازاقستاندا جاسالعان» اكسياسى دۇيسەنبى كۇنى كەشكە دۋباي قالاسىنداعى «ءال بارشا» اۋدانىندا ورنالاسقان «LuLu» سۋپەرماركەتىندە باستالدى. دۇكەنگە كەلگەن كوپ ادامدار قازاقستاندا جاسالعان ازىق- تۇلىك ونىمدەرىنەن ءدام تاتۋ مۇمكىندىگىنە يە بولدى. قازاقستاندىق ازىق- تۇلىكتەردىڭ تابيعيلىعى مەن جوعارى ساپاسى امىرلىكتەگى ۇلكەن قالا تۇرعىندارىنىڭ جوعارى قىزىعۋشىلىعىن تۋدىردى.
«روۋد- شوۋدىڭ» سالتاناتتى اشىلۋ ءراسىمىن ق ر- نىڭ ب ا ءا- دەگى توتەنشە جانە وكىلەتتى ەلشىسى قايرات لاما ءشارىپ، سولتۇستىك قازاقستان وبلىسى اكىمىنىڭ ءبىرىنشى ورىنباسارى ايداربەك ساپاروۆ جانە شاردجاس امىرلىگىنىڭ ساۋدا- ونەركاسىپ پالاتاسىنىڭ وكىلى دجاسيم يسا ءال مۋتاۆا جۇرگىزدى. قىزىل لەنتا كەسىلگەن سوڭ امىرلىك جەرىندەگى جاڭا باستاماعا تابىس اكەلۋ تىلەگىمەن قازاقتىڭ «شاشۋ» سالتى وتكىزىلدى.
ب ا ءا- دەگى «قازاقستاندا جاسالعان» شاراسىنىڭ نەگىزگى ماقساتى - ق ر- نىڭ ازىق- تۇلىك ونەركاسىبى سالاسىنداعى ۇلتتىق جەتىستىكتەرىن كورسەتۋ عانا ەمەس، قازاقستاندىق ازىق- تۇلىك تاۋار وندىرۋشىلەرى مەن امىرلىكتىڭ ءىرى ريتەيلەرلەرىنىڭ اراسىندا تىكەلەي بايلانىستاردى ورناتۋعا كومەكتەسۋ بولىپ تابىلادى.
اتالمىش شارادا وبلىس اكىمىنىڭ ءبىرىنشى ورىنباسارى ايداربەك ساپاروۆ باستاعان سولتۇستىك قازاقستان وبلىسىنىڭ دەلەگاتسياسى بولدى. س ق و وكىلدەرى ەكسپوزيتسيانىڭ ءىرى اۋماعىن الىپ، وندا بىردەن بىرنەشە ازىق- تۇلىك كومپانياسىن ۇسىنعان، سولاردىڭ اراسىندا «مامليۋت ۇن تارتۋ كومبيناتى»، «زەنچەنكو جانە ك» ج ش س، « قىزىلجار ومارتاسى» ج ش س بولدى.
ا. ساپاروۆتىڭ ايتۋىنشا، دۋبايعا سولتۇستىك قازاقستان وبلىسىنىڭ جەتەكشى تاۋار وندىرۋشىلەرى كەلگەن.
«بۇگىن دۋباي كاسىپكەرلەرىنىڭ ءبىزدىڭ ونىمدەرگە دەگەن ۇلكەن قىزىعۋشىلىعىن كورىپ وتىرمىز. ولار وسىندا ۇندى قالاي جەتكىزۋگە جانە ودان دايىن ونىمدەردى قالاي ىستەۋگە بولاتىنىن سۇراستىرۋدا. «سۇلتان» ا ق- نىڭ ماكارون ونىمدەرى مەن ءونىم تۇرلەرىنە سۇرانىس تا بايقالىپ جاتىر. دۋبايداعى سۋپەرماركەتكە كەلۋشىلەر ءبىزدىڭ ونىمدەرىمىزدىڭ قاشان دۇكەننىڭ سورەلەرىنە تۇسەتىنى تۋرالى سۇراۋدا. شىنىمەن دە، جەرگىلىكتى دۇكەندەردى ارالاعاندا، مۇنداعى ازىق- تۇلىك باعالارى بىزدىكىنەن ەكى ەسە جوعارى ەكەنىنە كوزىمىز جەتتى. وسىعان بايلانىستى قازاقستاندىق تاۋارلاردىڭ ب ا ءا- (بىرىككەن اراب امىرلىگى) نە لوگيستيكاسىن قاراستىرۋعا بولادى. ەگەر باعا «وتەتىن» بولسا، ءبىزدىڭ كاسىپكەرلەرىمىز ىنتىماقتاسۋعا دايىن. وسى ماسەلەلەردىڭ بارلىعى ەندى سولتۇستىك قازاقستاندىق كاسىپكەرلەر مەن امىرلىك ريتەيلەرلەرىنىڭ اراسىندا جۇرگىزىلەدى»، - دەدى ا. ساپاروۆ.
ب ا ءا- دەگى «LuLu» ءىرى ازىق- تۇلىك جەلىلەرىنىڭ العاشقى ازىق- تۇلىك دۇكەندەرى 1996 - جىلى ءابۋ- دابيدە اشىلعان. دۋبايدا العاشقى سۋپەرماركەت 2000 - جىلى جۇمىس ىستەي باستاعان. قازىرگى ۋاقىتتا «LuLu» گيپەرماركەتتەر جەلىسى تەك ب ا ءا- دە عانا ەمەس، ومان، كاتار، كۋۆەيت، باحرەين، مىسىر جانە ساۋد ارابياسىنداعى بولشەك ساۋدا كوشباسشىلارىنىڭ ءبىرى بولىپ تابىلادى. ونىڭ دۇكەندەرىنىڭ جالپى سانى - 114.