ەلوردادا مۇگەدەكتەرگە ارنالعان بوس جۇمىس ورىندارى جارمەڭكەسى وتۋدە
«ءبىز وسىمەن ءۇشىنشى جىل قاتارىنان مۇمكىندىگى شەكتەۋلى جاندار ءۇشىن بوس جۇمىس ورىندارى جارمەڭكەسىن وتكىزۋدەمىز. جىل وتكەن سايىن بۇل شاراعا جۇمىس بەرۋشىلەر تارابىنىڭ قىزىعۋشىلىعى ارتىپ كەلەدى. ال بۇگىنگى شاراعا شامامەن 30 جۇمىس بەرۋشى قاتىسىۋدا»، - دەدى ب ا ق وكىلدەرىنە سۇحبات بەرگەن استانا قالاسى اكىمدىگىنىڭ جۇمىسپەن قامتۋ ورتالىعىنىڭ ديرەكتورى ولجاس ومار.
ونىڭ اتاپ وتۋىنشە، مۇنداي شارالار مۇمكىنشىلىگى شەكتەۋلى ادامدارعا ءبىر مەزەتتە بىرنەشە جۇمىس بەرۋشى ۇيىممەن بايلانىسۋعا مۇمكىندىك بەرەدى. ال جۇمىس ۇسىنىپ وتىرعان مەكەمەلەردىڭ باسىم بولىگى شاعىن جانە ورتا بيزنەس سالاسىنان.
«مۇمكىندىگى شەكتەۋلى ادامداردىڭ جالاقىسى دەن ساۋ كىسىنىڭ ايلىعىمەن بىردەي. دەگەنمەن، ولاردىڭ جالاقىسى قانداي جۇمىس اتقاراتىندىعىنا تىكەلەي بايلانىستى. جۇمىس ىزدەۋشىلەردىڭ 60 پايىزىن ايەلدەر قۇرايدى. وتكەن جىلى ءبىز وسىنداي شارانىڭ ناتيجەسىندە شامامەن 90 ادامدى جۇمىسقا ورنالاستىردىق»، - دەدى و. ومار.
سونىمەن قاتار، ول جۇمىسپەن قامتۋ ورتالىعى جۇمىس بەرۋشىلەر جارمەڭكەسى ارقىلى ەڭبەكپەن قامتىلعان جانداردى ۇنەمى نازاردا ۇستاپ وتىراتىندىعىن اتاپ ءوتتى.
اۆتور: مارلان جيەمباي