ءماجىلىس ءتوراعاسى ۆەتنام پرەزيدەنتىمەن كەزدەستى
وسىعان وراي ءماجىلىس ءتوراعاسى قابيبوللا جاقىپوۆ پارلامەنتتىك دەلەگاتسيانىڭ العاشقى رەسمي ساپارى بارىسىندا اتالعان ەل باسشىسىنا نۇرسۇلتان نازاربايەۆتىڭ ارنايى حاتىن تابىستادى.
ۆەتنام پرەزيدەنتى چىونگ تان شانگپەن كەزدەسۋ بارىسىندا ەكىجاقتى قارىم-قاتىناستى نىعايتۋ ماسەلەلەرى ءسوز بولىپ، اسىرەسە تۋريزم، مۇناي-گاز جانە اۋىل شارۋاشىلىعى سالالارىنا باسا نازار اۋدارىلدى.
قازاقستاندىق دەلەگاتسيانىڭ حانوي قالاسىنا ساپارى پارلامەنتارالىق وداقتىڭ 132 اسسامبلەياسىمەن تۇسپا-تۇس كەلدى. الەمنىڭ 150 ەلىنەن كەلگەن 1,5 مىڭنان استام دەلەگات تۇراقتى دامۋدىڭ عالامدىق ماسەلەلەرىن تالقىلادى.
جاقىپوۆ تاقىرىپ توڭىرەگىندە قازاقستاننىڭ ءرولى تۋرالى بايانداپ، G-global الاڭىنىڭ الەۋەتىنە نازار اۋداردى.
قابيبوللا جاقىپوۆ، ق ر پارلامەنتى ءماجىلىسىنىڭ ءتوراعاسى:
- ءبىز استانا ەكونوميكالىق فورۋمى جانىنداعى G- Global حالىقارالىق كوممۋنيكاتيۆتى الاڭىن ۇسىنۋعا دايىنبىز. ول دۇنيەجۇزىلىك دامۋدىڭ وزەكتى ماسەلەلەرىن تالقىلاۋ جانە ولاردى شەشۋ جولىندا سىندارلى ۇسىنىستار ازىرلەۋ ءۇشىن الەمدىك اقىل- ويدى بىرىكتىرۋ ماقساتىندا قۇرىلعان. تۇراقتى دامۋ ماقساتتارىنا جەتۋدە بىزگە عالامدىق ءۇنقاتىسۋدىڭ اۋقىمدى فورماتى قاجەت.
www.khabar.kz