قازاقستاندا جاسالعان: جامبىل وبلىسىنداعى سافلور مايىن وندىرەتىن زاۋىتتىڭ قۋاتتىلىعى ارتتى
جامبىل وبلىسىنىڭ شۋ اۋدانىندا 2011-جىلى سافلور ءوسىرۋ، ونىڭ مايىن ءوندىرۋ جانە قايتا وڭدەۋمەن اينالىساتىن «KazIrAgro» كومپانياسى ءوندىرىس ءۇشىن گەرمانيانىڭ جوعارى تەحنولوگيالىق جابدىقتارىن ساتىپ الدى.
شۋ اۋدانىنىڭ اكىمى باقىتجان نۇركەنوۆتىڭ اقپاراتىنا سۇيەنسەك، 2014-جىلى كاسىپورىن 200 توننا سافلور مايىن شىعارعان، سونىڭ ىشىندە 180 تونناسى قىتايعا ەكسپورتتالدى.
«بيىلعى جىلدىڭ ءبىرىنشى توقسانىنىڭ اياعىنا قاراي «KazIrAgro» ج ش س وندىرىستىك قۋاتتىلىقتى كوبەيتىپ، تاۋلىگىنە ون تونناعا دەيىن ماي شىعارۋ جوسپارلاپ وتىر»، - دەيدى ب. نۇركەنوۆ.
كاسىپورىننىڭ سەگىز گەكتارىندا ونىڭ جەكە ماي سەحى، ءداندى جانە ماي داقىلدارىن ساقتاۋ جانە وڭدەۋ ءۇشىن جابدىقتالعان نان قابىلداۋ پۋنكتى، سونداي-اق اۋىل شارۋاشىلىعى تەحنيكاسى ورنالاسقان. سونداي-اق كومپانيانىڭ يەلىگىندە اۋىل شارۋاشىلىعى داقىلدارىن وسىرۋگە ارنالعان 2,5 مىڭ گ ا ەگىستىك جەرلەر بار.