وسىنداي باتىرلارىمىزدىڭ ءبىرى - قازاقستاندىق ۇشقىش، ەكى مارتە كەڭەس وداعىنىڭ باتىرى لۋگانسكي سەرگەي دانيلوۆيچ.
ول 1918-جىلى 1- قازاندا الماتى قالاسىندا شارۋا وتباسىندا دۇنيەگە كەلگەن.
1938-جىلى ورىنبورداعى ۇشقىشتار مەكتەبىن، 1949-جىلى ماسكەۋدەگى اسكەري-اۋە اكادەمياسىن بىتىرگەن. 1939- 1940-جىلدارى كەڭەس- فين سوعىسىنا قاتىستى.
ەكىنشى دۇنيە جۇزىلىك سوعىسى كەزىندە لۋگانسكي 390 رەت ۇشۋ ساپارىنا شىعىپ، جاۋدىڭ 37 ۇشاعىن اتىپ ءتۇسىردى. 2 رەت اۋە تارانىن جاسادى. سوعىستان كەيىنگى جىلدارى ك س ر و ق ك- ءنىڭ اسكەري اۋە كۇشتەرى سالاسىندا ءار ءتۇرلى جوعارى باسشىلىق قىزمەتتەردە بولدى.
1941-جىلى قازان ايىندا مايدانعا اتتانعان س. د. لۋگانسكي 1942-جىلدىڭ مامىر ايىنان 271- اۆياتسيالىق اتقىشتار پولكىندە، سول جىلدىڭ ماۋسىم ايىنان 1945-جىلدىڭ ناۋرىز ايىنا دەيىن 270- اۆياتسيالىق اتقىشتار پولكىنىڭ قاتارىندا بولدى.
1943-جىلدىڭ تامىز ايىندا 270- اۆياتسيالىق اتقىشتار پولكىنىڭ ەسكادريليا كومانديرى كاپيتان س. د. لۋگانسكي 221 رەت ۇشىپ، جەكە ءوزى 18 جاۋ ۇشاعىن جانە ۇشقىشتار توبىمەن بىرىگىپ، 1 ۇشاقتى قۇلاتتى.
1943-جىلدىڭ 2- قىركۇيەگىندە جاۋمەن شايقاستا كورسەتكەن باتىلدىعى مەن ەرلىگى ءۇشىن وعان كەڭەس وداعىنىڭ باتىرى اتاعى بەرىلدى.
1944-جىلدىڭ 1- شىلدەسىندە ۋكراينا ءبىرىنشى مايدانىنىڭ باس قولباسشىسى ي. س. كونيەۆتىڭ جەكە نۇسقاۋىمەن «التىن جۇلدىز» مەدالىن يەلەندى. بۇل ۋاقىتتا ول 355 اسكەري ۇشۋدى جۇزەگە اسىرىپ، جاۋدىڭ 33 ۇشاعىن اتىپ قۇلاتقان بولاتىن.
س. د. لۋگانسكي 1963-جىلعا دەيىن «م ي گ-15» - تەن باستاپ «م ي گ-19» - عا دەيىنگى ءتۇرلى رەاكتيۆتى ۇشاقتاردا ۇشتى.
سوعىستان كەيىن اۋە قورعانىسى كۇشتەرىندە قىزمەت ەتتى. 1949-جىلى اسكەري اۋە اكادەمياسىن ءتامامدادى. 1964-جىلدان زاپاستاعى اۆياتسيا گەنەرال-مايورى. ول سونداي- اق «H ا گلۋبوكيح ۆيراجاح»، «H ەبو وستاەتسيا چيستىم» سىندى شىعارمالاردىڭ اۆتورى. مايدانگەر 1977-جىلى 16- قاڭتاردا كوز جۇمدى. الماتى قالاسىندا جەرلەنگەن.
سوعىس جىلدارىندا كورسەتكەن ەرلىكتەرى ءۇشىن 2 رەت لەنين، الەكساندر نيەۆسكي، 2 مارتە قىزىل تۋ، قىزىل جۇلدىز (2 رەت) وردەندەرىمەن، كوپتەگەن مەدالدارمەن ماراپاتتالعان.
«اۋە باتىرى» س. د. لۋگانسكي گۇلدەردى اسا قاتتى جاقسى كورگەن، قولى بوس ۋاقىتتا ولاردى كۇتىپ-باپتاۋدان جالىقپايتىن، دەپ ەسكە الادى ول تۋرالى تانىستارى.